柳俊江唔滿意自己渣馬成績 不忘放閃謝女友:多謝嚟扶我返屋企

日前宣布與香港女子跳高運動員楊文蔚的經理人Grace Mak拍拖柳俊江(柳爺),在周日時參加了「渣打香港馬拉松」,最終以3小時30分11秒完成全馬賽事。在賽後他在IG上寫下長文,分享賽後感受的的同時,不忘放閃感謝女友扶自己返屋企。

柳俊江表示:「時間達標,但唔滿意,係點解呢?一早訂咗3:30做今次全馬目標,心入面認為係比較保守嘅,加上天氣咁涼,總覺得西隧過後有能力進取一啲。可能腎上腺素飆升嘅關係,頭段開快咗都唔覺辛苦,半程只用咗 1:41,足足比原定配速快8分鐘。入西隧前仲保持得好好,自覺仲有留力。」

他續指:「西隧入口撞正十公里起步,加上半馬人潮同步,十分之擠塞,落斜冇得快,中間仲焗到爆。左閃右避,穿過人海已經浪費唔少體力,一出西隧仲見到大大個烈陽出來了!左轉上斜時,路面放咗好多雪糕筒,進一步收窄,直頭塞車咁,上完斜路後感覺到體力急速下降,配速越來越慢,甚至跌落5:18/km⋯原本有嘅 buffer 時間慢慢消耗,有啲上岸嘅念頭,但繼續捱繼續捱,到剩返一公里,睇錶仲有五分鐘,於是乎谷埋啖氣,一次過爆返終點,啱啱趕得切3:30:11完成。自知不足,平衡力差、上斜冇效率、長課不足,要跑得更快更遠,必需要做肌力訓練同增加訓練距離,冇藉口喇呢次。」

柳俊江最後感謝女友等人:「好多人要多謝,第一個當然係教練王春榮,一年訓練幫我推快咗足足38分鐘(仲要我咁懶),另外就係沿途幫我打氣嘅朋友,俾我力量捱埋佢。當然要多謝 #柳仔跑會 嘅院友同可愛應援團,有團隊的感覺真好,最後要多謝嚟扶我返屋企嘅 @gracemakkkk ~ 」

柳俊江IG圖
柳俊江IG圖
Grace Mak IG圖
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟