【青年心城之撐起青春】林正峰為「凍檸茶」反枱 網民嗌夠「青春」

無綫劇集《青年心城之撐起青春》昨晚播出第三集,今集網民討論焦點集中在「地獄料理」及學生時期的阿峰為了一杯「凍檸茶少甜」反枱的熱血戲份;前者主因是料理與煮出地獄料理的理由同樣爆笑,其中原條粟米粥更讓網民「回味」,後者則是因為「阿峰」為了「我淨係想飲我叫嗰杯嘢」,而爆Seed夠晒出奇不意兼熱血,令網民不禁感嘆:「懷念青春好感傷!」

林正峰同游嘉欣嘅感情喺第三集開頭係大躍進。
林正峰嚇到鬥雞眼。
呢幕反枱觀眾忍唔住「叫好」!

 

而藝人施焯日在劇中飾演一位唱歌走音、但堅持做唱作網紅的熱血追夢青年,他於昨晚劇情反擊阿峰指其走音是「欺凌觀眾」的一番對白時,更是發人深省:「依家啲所謂KOL個個作假,佢哋都可以表演,點解我唔得?我認我唔夠靚仔,但至少我Be True,我忠於自己、我光明磊落,嗰200幾個Followers,我逐個有血有肉儲番嚟。

施焯日飾演阿賢。

另一幕「英雄救美」,細心留意會看到施焯日的手在顫抖,問到幕後拍攝花絮時,原本有運動底的他笑言當時狀態確是「力竭」:「因為嗰場係需要我單手hold住,我全身嘅重量喺晒一隻手,而且對腳冇地方踩住畀我卸力;加上嗰個係當日最後一個shot,前面都已經攀過幾次,所以真係冇乜力。哈!好彩劇組都有做足安全措施,可以放心拍。」

施焯日隻手真係震咗好幾次,係靠意志力捱過呢一幕!

施焯日雖然年紀輕輕,演藝經驗尚淺,但已獲得不少演出機會!19歲入行的他,曾多次客串《愛‧回家之開心速遞》,其中「驚青」心理系大學生更一度備受關注。此外,施焯日近日在無綫台慶劇《星空下的仁醫》飾演病危青少年一角亦贏得網民讚好,一句「下世都要做你哋個仔」,令不少網民流下心痛的眼淚。

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟