【童你一起長大了】黃寶君愛心爆棚開寵物店拯救小動物

無綫推出綜藝節目《童你一起長大了》昨晚(24日)以「唱出快樂‧童你尋開心」為主題,亮點落在昔日兒歌節目代表人物黃寶君(Polly)及吳晶晶身上。已廿年沒有在螢光幕現身的二人,一直是昔日小朋友來信關心近況對象;為了一償觀眾心願,主持譚玉瑛與蓋世寶是集特意帶大家與兩位姐姐重逢話當年。

黃寶君及吳晶晶相隔廿年再度齊齊亮相螢光幕,雙方默契十足兼充滿愛嘅互動,十分感人。

較低調的Polly姐姐,現已為寵物店店主兼寵物美容師,愛心爆棚的她,談到當日開店因由時,更忍不住落下心痛的眼淚:「要救小動物,要使好多錢,透過開寵物店就可以有基金,賺到錢亦可以幫佢哋。」而現為兩子之母的晶晶,笑容依然充滿稚氣;除了與大家分享珍貴生活照,晶晶還向大家問好:「我嘅人生已經進入咗另一個模式,陪住我哋大嘅小朋友都已經長大成人。今次當係一個重聚,同大家Say個Hi。我比較傳統,我同我先生嘅理念係希望小朋友要快樂。」

受訪期間,晶晶猶如Polly代言人,一直代Polly回答問題,譚玉瑛遂笑指二人廿年不變:「Polly永遠好似晶晶老細,Polly有啲咩唔想講埋落去,晶晶自然會接Cue。」晶晶笑言與Polly早於1989年因一起擔任「青少年大使」結緣,二人除了經常雞啄唔斷、有無盡的話題外,更有不少觀眾及小朋友將她們「撈亂」:「嗰時啲人分唔到我哋邊個打邊個,我哋成日笑我哋可能係Twins。」

晶晶與Polly雖然多年沒有碰頭,但二人依然默契十足,她們異口同聲表示是因為大家不但沒有變,而且依然像當年一樣簡單坦白,晶晶謂:「我太細個識佢,所以好明白佢。佢冇變過,所以中間無論隔咗幾耐,嗰種感覺都好易返嚟。我好珍惜年青時有Polly陪咗我咁多年。」說時更一度哽咽。

另外,兩位姐姐更在阿譚與蓋世寶「引領」下,探訪了當日另一拍檔張崇德,三人甫見面即相當興奮,遭阿譚以「疫情」為由阻止三方擁抱問好,十分搞笑。德仔笑指當年面試兒歌節目主持時,最讓他驚嚇的是阿譚在場:「真係嚇到臉都青!佢坐喺度:『你好呀!』跟住我心諗,做咩呀?要對手㗎?」

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟