【童你一起長大了】朱敏瀚可愛童年照曝光:細個好多鄰居走嚟搣我塊面!

無綫綜藝節目《童你一起長大了》昨晚以「童尋無限可能」為主題,亮點則落在去年「飛躍進步男藝員」得主、24年前曾勇奪「最英俊王子大獎」的朱敏瀚,節目並展示了大量他的童年照,觀賞指數爆燈。

張潔蓮同朱敏瀚闊別24年,兩位當事人再見番有啲怕醜。

朱敏瀚當年獲獎後上兒童節目接受主持張潔蓮訪問,只有5歲的他已經玉樹臨風,全程眼仔睩睩,回答問題時聲音充滿童真稚氣之餘又不失醒目,絕對「人見人愛」。為了重溫昔日經典,朱敏瀚與張潔蓮重演當年訪問片段,不過笑指是次「重逢」如「相親」一樣的張潔蓮,全程表現超緊張,忍不住笑又狂食NG;朱敏瀚表現同樣靦腆,並自行改台辭笑指自己相隔24年已冇咁「英俊」,張潔蓮聞言即搞笑反擊:「你係咪畀說話我聽?」

朱敏瀚細個真係好英俊呀!
朱敏瀚細個眼大大。

朱敏瀚透露小時候已因生得可愛屢獲讚賞:「細個真係好多鄰居見到就會走埋嚟搣我塊面,我就潛移默化咗佢哋會讚我靚仔。」他又謂自獲獎後,獲得不少幕前演出機會,並為其演藝路打好基礎:「嗰個比賽開始後,有模特兒公司睇中我,因為咁先接觸到廣告同埋教育電視。但好笑嘅係,嗰時我以為拍廣告係課外活動之一。」他又笑指張潔蓮姐姐相隔多年依然咁靚:「都係我細個見到嘅佢,好後生、好靚,仲有一啲怕醜添。」

張潔蓮當年與朱敏瀚。

除了朱敏瀚,是集還請來昔日兒童節目主持黃智賢、魯文傑及已返回美國居住的梁詠琳亮相與大家話當年。身為大師姐的譚玉瑛,談及對黃智賢及魯文傑感受時,竟「大細超」,相當搞笑。阿譚透露當年看了魯文傑的廣告後即心心眼,並謂覺得對方比鄭伊健更讓自己有感覺:「Simon嗰時啱啱拍完廣告,我覺得呢個男仔真係又青春、又有氣息、又靚,好型!」相反談到黃智賢時,阿譚則笑言「好擔心」:「佢以前離開兒童節目嗰陣我幾擔心呀,佢生得黑咪媽,可以拍乜吖?我哋都唔興呢啲嘅。」智賢聞言即反擊:「點解你對佢同對我咁大分別嘅?」阿譚再搞笑接招謂:「咁你照吓鏡咪知咯!」足見眾人感情要好。

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟