電子音樂人ZIGHT衝出國際 望港人鼓起追夢勇氣

香港音樂人邱耀鋌(ZIGHT)成功衝出國際,與Disney電影《灰姑娘》主唱兼英國著名女歌手Sonna Rele合作的新歌《Fly away》,單單在 YouTube 點擊率已高達近70萬次,並被不少國外媒體廣泛報導。ZIGHT表示《Fly away》其實是寫給香港人:「希望港人能鼓起勇氣追尋夢想,做佢哋們想做嘅事情。」

邱耀鋌

提到可以搵到Sonna Rele合作,ZIGHT笑言:「其實我聯絡Sonna嘅方法係好粗暴直接,就係喺Instagram同Facebook不斷留言同inbox啲歌手,將我製作嘅Demo畀佢哋。有一日,Sonna回覆我話好鍾意我嘅作品,所以就唱咗。」他大讚Sonna聲線非常有靈魂,而且非常專業,笑言:「我哋呢次合作真係非常非常之順利,因為佢實在太專業喇,所以連小插曲嘅空間都冇。」ZIGHT表示當Sonna聽到《Fly away》完成版本時也十分喜歡:「Sonna幫咗我好多次宣傳去谷呢首歌,我都好感謝佢。」

母親耳朵活受罪

ZIGHT曾拜英國的Bad Milk、意大Davide Alpino 等製作人為師,磨練電子音樂編曲、製作技術逾十年。他表示自小已立志做國際化製作人:「我嘅音樂創作之路係由我爸爸嘅唱片櫃啟發,因為佢係一位音樂愛好者,鍾意收集各個國家、唔同語言嘅唱片。所以屋企個CD櫃係有成一個成年人咁高,佔據咗客廳一半牆嘅面積。」ZIGHT笑言小時候日日在家「fing機」令母親耳朵活受罪:「終於佢頂唔順,落重手將喇叭線收埋。」雖然ZIGHT在追尋音樂製作夢上遇到不少挫折,更有一段長時間作品乏人問津,亦曾因為謀生而做過多個行業,但慶幸天道酬勤,最終成功捱出頭來。

在香港土生土長的ZIGHT亦希望自己的作品能被港人認識,故他暫時拋下在外國發展得如火如荼的事業,回港大展拳腳,他將發佈香港第一首派台作品、與英國本土歌手Peter Forest合作的新歌《Everybody keep running》。他表示因疫情漸趨緩和,現時多了人外出跑步:「因為疫情嗰陣困住喺屋企實在太苦悶,希望可以再次喚醒大家對運動嘅熱情,而且依家已經係秋天,係出街跑步嘅最好季節,呢首歌就最啱邊跑步邊聽。」

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟