【青年心城之撐起青春】游嘉欣林正峰為劇本鬧出火花

由游嘉欣、林正峰擔正的《青年心城之撐起青春》周日播出首集後反應不俗,除了獲讚劇情貼地,游嘉欣的學生造型亦獲讚仙氣逼人。二人透露在鏡頭後因劇本各持己見,而經常有爭執,但認為這樣才能撞到出火花。

游嘉欣同林正峰合作多次,所以已經好有默契。

本周日(17日)播出的第二集,游嘉欣繼續「轉Look」送驚喜,除了輕淑女造型,更會以可愛清潔小妹Look登場,為暗戀的林正峰執拾房間,整Part畫面豐富兼節奏輕快。鏡頭前二人明顯尷尷尬尬,事後訪問嘉欣,她自揭拍攝時「心肝仔卜卜跳」:「有件事好好笑,拍完場戲之後,收音師問我係咪好緊張,因為拍嗰度都幾靜,佢話收音時聽到我個心跳得勁快,我自己聽番都發現真係咁。」

游嘉欣執屋執到咁迷茫嘅!

林正峰則透露拍攝時其實有點緊張:「因為我做男仔始終有啲嘢要避忌,要小心唔好掂到重要部位,二嚟係我哋好想拍到緊張同尷尬嘅感覺。」正峰又指拍畢《青年心城》後 ,其實很不捨嘉欣:「同佢合作好開心,我哋真係好有默契。雖然我哋成日鬧交,但我哋都覺得係必要,因為咁樣先有衝擊。所以都唔捨得佢,都期待將來有更多合作,以唔同形式嘅情侶方式出現。」游嘉欣又表示與阿峰已建立出默契,故拍攝時完全零尷尬,亦鮮有NG;不過嘉欣指二人鏡頭後其實經常打打鬧鬧:「因為我哋會對劇本,會講番自己嘅睇法,有時意見不合,我哋會各持己見。不過可能因為咁,先撞到火花出嚟。」

林正峰就話佢拍嗰陣都有少少緊張。

另一重要場口則發生在黃紫恩飾演的Yuki身上,即將畢業的Yuki,由於要背負家庭經濟重擔,故此積極尋找工作,但卻因難以接受大公司的「吸血」Offer多番碰壁,最終情緒崩潰,更一度危坐天台。本集亦會揭示阿峰過去在職場上受到的不公平待遇,主旨似乎想集中探討年青人面對的求職及在職等多方面的困難。

黃紫恩飾演積極搵工嘅大學生,背負住頗大經濟壓力嘅佢,忍唔住爆煲。
黃紫恩仲一度危坐天台。
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟