艾粒即興聲演BL劇「腐」味濃 即令麻利徹底崩壞

艾粒即興聲演BL劇「腐」味濃。

「黃Viu煲劇平台」推出的節目《同煲同BLOW》,首集探討完熱血沸騰動畫後,今集氣氛一轉,請來艾粒成員少爺占(甄子康)及當奴(唐劍康)齊齊走進浪漫的BL(Boy’s Love)世界,一起聲演激情的男男情侶,令現場瞬間散發濃濃的「腐」味!

今集《同煲同BLOW》主持人麻利與嘉賓艾粒大談近期熱爆全城的BL話題,少爺占曾在廣播劇中飾演同性戀角色「朱艷強」而大受歡迎,之後不時以「朱艷強」名義開騷,早與 BL 結下不解緣。他說:「我都成日會睇 BL 劇為『朱艷強』取材,加上依家 BL 始終係大氣候,幾乎每套劇都會加入呢個元素。我自己會推介最近嘅泰劇《Bite Me The Series》,因為兩位男主角顏值都好高。」相反,當奴坦言起初對 BL 有點抗拒,直到日劇《大叔的愛》令他開拓新眼界:「我開頭真心抗拒,但連日本都開始拍呢類題材,我就開始睇吓《大叔的愛》。我好鍾意入面嘅『阿牧』林遣都,覺得佢演到好內斂嘅感覺。」

雖然艾粒在「黃Viu」煲BL劇期間接收了不少「腐能量」,但對於要親自合演BL劇,他們的隱憂竟是顏值不夠。少爺占笑言:「拍BL劇要狀態好好,少少水腫都唔得㗎,因為個個都靚仔嚟,我見啲男主角髮型好硬,點吹都唔會亂,所以如果對自己個樣唔夠信心都拍唔到BL。」至於當奴比較鍾情古代 BL 劇,本身是《哲仁王后》粉絲的他表示:「《哲》係講一個現代直男穿越咗去古代王后嘅身體入面,我好鍾意呢類題材,始終喺古代BL唔係咁容易接受,好多故事都發生喺錯摸嘅世界,禁忌得嚟又帶啲含蓄。」

麻利又即場考驗艾粒的配音功力,要求他們重新為兩部BL劇《To My Star》及《Close Friend》配音,當看到兩位男主角「滾床單」的片段,少爺占與當奴發揮搞笑本色聲演激情男男,配以無厘頭對白及尖叫聲,令麻利大嘆劇中的浪漫氛圍被徹底崩壞,相當搞笑!

艾粒即興聲演BL劇「腐」味濃。
艾粒即興聲演BL劇「腐」味濃。
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟