方健儀與老公結婚11周年 憶當年窮遊歐洲自拍婚紗照

TVB前新聞主播方健儀與老公剛於10月10日時度過了結婚十一年的紀念日,在IG發長文分享了二人當年歐洲拍婚照的經過,並上載了當年的婚照和近照。方健儀表示:「11年前,我倆沒有龐大儲備籌備婚禮,窮遊歐洲時順道拍攝婚紗照,由洪先生帶腳架親自操刀。他身上的『禮服』,就是一件百幾蚊的裇衫連領呔+牛仔褲+波鞋;我身上的『婚紗』,也是一條百幾蚊的白裙+拖鞋。雖然所有事情都好簡陋原始,而且大袋細袋加背囊著長到拖地嘅白裙搭地鐵巴士有啲狼狽,但當地人看見我們全身白衣,彷彿知道我們是準新人,紛紛送上『Congratulations』!」

她續指:「11年後的今日,洪生已著唔落該件白裇衫,佢只肯著白Tee(已經好俾面),我搵唔番當年的白裙,但喺出入口店竟然買到條$60嘅裙,重溫當年的點滴。11年前對著佢,會疑惑點對住呢條友過世,11年後的今日回望,時間似乎過得太快。兩夫妻,最重要,人生高低起跌,都有對方在場。」

之後,她又發文表示,在紀念日收到老公的驚喜,「SURPRISE!!!!!! 結婚11周年紀念Staycation,有鮮花、有蛋糕、有公仔、有汽球、有燈飾…… 我:『你好少可咁有心思㗎噃!』洪:『唔關我事呀,係酒店安排㗎,我冇準備㗎喎!』我:『哈…哈…哈…!好係你呀,係你準備我先驚呀!』習慣咗佢嘅樸實不華,不會當驚喜、禮物為理所當然,而是生命中的bonus。而浪漫呢家嘢,都係交番俾酒店搞啦!」

方健儀IG圖
方健儀IG圖
方健儀IG圖
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟