戴夢夢視前度Ricky如哥哥一樣的屋企人 啱Timing唔排除未來會閃婚

黃婉曼(Icy)日前在自己的fb直播上,邀請了閨密戴夢夢做嘉賓,二人邊飲酒打邊爐邊吹水。夢夢在節目上大談與太極樂隊鼓手朱翰博(Ricky)如何由「戀人」轉變為「家人」。

今年8月太極在紅館開騷,作為夢夢前度的朱翰博公開感謝夢夢,更形容彼此關係如過山車「時上時落」,因此二人被傳復合。夢夢大方談及二人關係,表示:「我哋分開咗年幾,大家再見亦是朋友,我哋目標同方向都唔同,再一齊落去大家都唔開心,不如轉一個形式相處,唔再係情侶,變咗哥哥一樣嘅屋企人,親人嘅關係仲好啲,唔會有壓力。」

喜歡小朋友的夢夢被Icy追問會否閃婚時表示:「唔知呀,有啲嘢冇話一定,又冇話唔一定,Right time遇到Right person。」但夢夢指自己對生育計劃非常傳統,不接受只生B不結婚,並期待與喜歡的對象組織家庭。夢夢希望未來會遇到細水長流的愛情:「而家人大咗,覺得平淡簡單健康就最幸福。」

性格坦率的夢夢一直被喻為「烈女」,她表示:「唔能夠要全部人都鍾意自己,一百個人,有十個人明白你已好開心,最緊要身邊朋友同屋企人明白。」

黃婉曼fb圖
黃婉曼fb圖
黃婉曼fb圖
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟