李佳芯參加《思家大戰》榮登「真人靚過上鏡女藝員」 第二名竟是她?

「喪B隊」好玩得!(大會提供)

由李思捷主持及監製,無綫節目《思家大戰》在網絡多番引起熱議,繼之前陳豪成為一致公認的「人前人後都Nice」藝人後,昨日「思家觀眾大戰」結果再度惹起迴響!向來深得民心的李佳芯(Ali)榮登TVB台前幕後民調問答遊戲「講一個TVB真人靚過上鏡嘅女藝員」榜首,由於答案如網民話齋「係人都估到啦」,故此焦點便落在之後的排名上,依次為麥美恩、朱千雪、陳凱琳、賴慰玲及林穎彤。對於走性格路線的麥美恩勇奪第二名,且票數與Ali旗鼓相當,唔少網民大表驚訝,當事人麥美恩亦笑指昨日收到大批朋友來電「食花生」:「我覺得個結果幾好吖,因為平時出街啲街坊或者喺出面做嘢啲人都會咁講。可能有咗呢個投票結果之後,我以後可以多啲信心唔化妝出鏡,哈哈!」

今集參與嘉賓有由何廣沛、江嘉敏(Kaman)、郭子豪(Arnold)、方紹聰(奶仔)、朱智賢(朱朱)組成的「喪B隊」,以及由袁偉豪(Ben)、鄭詩君(C君)、陳自瑤(YoYo)、丁子朗、劉佩玥(Moon)組成的「把關隊」。「喪B隊」自我介紹時被思捷取笑為癲喪,但原來只是「別人笑我太瘋癲」,「喪B隊」於第一條「初吻發生喺邊一度」的民調問題中,竟破了節目紀錄以首輪零答錯成績成功清版,令見慣大場面的思捷不禁驚呼:「真係未見過第一Round就清版!」一眾嘉賓之中,以Kaman最為語出驚人,她首先在爭奪回答權環節時向新上任的J2創意總監C君挑機:「你驚唔驚?(驚!)知驚就好!」之後思捷問她「飛過幾多條仔」時,她再發表驚人言論謂:「數唔晒!」感覺相當狂野兼玩得。

「思家觀眾大戰」民調「真人靚過上鏡女藝員」為李佳芯。(大會提供)

至於升呢為J2創意總監的C君,錄影時不但未有備受厚待,更多次被「擺上枱」,繼Kaman公然挑機,思捷都不忘揶揄其身份謂:「你覺得你嚟緊創意總監嘅工作,有啲咩新諗法?」不過向來轉數快的C君馬上以爛Gag化險為夷:「首先我可能會所有節目都係李思捷做先啦,我直頭想喺J2開一個節日,叫李思『節』!嗰日我哋一齊紀念佢。」思捷聞言即忍不住大叫:「啋!」場面爆笑。今集節目不但「口術」盡出,更發生「打人」事件;根據發布照片,狀甚委屈的郭子豪跪在地上並遭隊員笑著「圍毆」,到底Arnold做錯甚麼事落得如此下場?就要密切留意《思家大戰》第六集了。

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟