伍仲衡開音樂獲日本鞋商贊助 揀鞋時獲忠粉興奮索簽名

著名音樂大師伍仲衡還有兩個多星期,快將於10月16、17日假九展Star Hall舉行兩場《伍仲衡再搞花臣音樂會》,籌備如火如荼,伍大師繼音樂會開賣時,獲一班忠實「衡粉」在豪華郵輪船身刊登巨型Led燈恭賀廣告後,再有日本鞋商Regetta Canoe,知道伍大師正在為音樂會撲衫,主動要求贊助伍大師在音樂會上穿著的所有鞋,由他任揀,最後伍大師只揀了三對,並感謝說:「做人唔可以咁貪心,人家都要做生意,揀最鍾意的就夠,已經分分鐘換鞋多過換衫,哈哈!」

揀鞋當天,湊巧遇著一位超級女「衡粉」正在店舖取鞋,驚見偶像伍大師突然出現眼前,興奮到「飛起」並要求伍大師在剛購買的一對新鞋簽名,親民伍大師二話不說答應,不過就唔捨得落筆:「我十分不好意思,人家都未穿過,就在人家的新鞋上簽名,好怕整汚糟人家對新鞋,從未試過有歌迷要求在鞋上簽名,今次是第一次。」但他一路簽,不忘反問對方:「買咗飛未?」對方馬上回應:「買咗買咗!」至於音樂會的服裝,伍大師表示還未知,全交由造型師安排,暫時先搞掂對鞋。

伍仲衡揀鞋時獲忠粉興奮索簽名。
伍仲衡揀鞋時獲忠粉興奮索簽名。
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟