馬德鐘放下「瀟洒正氣」包袱 網民讚有孟波影子

王心慰(Amy姐)監製的無綫劇集《我家無難事》,雲集一眾好戲之人包括鮑起靜(鮑姐)、馬德鐘、唐詩詠、楊明、車婉婉、王君馨、關禮傑及楊卓娜等領銜主演。自從鮑姐飾演的羅美蘭離世後,故事重點便圍繞著得勤(馬德鐘飾)、得寶(車婉婉飾)及得明(楊明飾)三兄妹;得勤由於自私兼自以為是,為人又小氣,開播以來招惹一定負評,網民直指其角色未夠討好:「成世靠阿媽靠老婆!」、「得勤呢個角色,唔知係佢自私自利搵屋企人笨,定係佢活喺自己世界,真心覺得自己為屋企人好。」

不過監製Amy姐設計角色又豈會如此簡單,得勤雖然缺點多,但內心卻關心及緊張家人,且對前妻羽菲(唐詩詠飾)十分著緊;加上是次馬神放下「瀟洒正氣」包袱,飾演動作、表情誇張、帶點心機女而又小氣的偽大男人,由於演得入木三分,故逐漸成功贏回網民心,近日評論轉負為正,大讚馬神角色有孟波影子:「馬神角色真係好似孟波,以前覺得佢唔識做戲,原來搞笑掂!」、「馬神勝在呢個年紀身材仲好fit,又夠高大,都算靚仔,好適合做類似孟波的搞笑但本身型的角色」、「得勤其實唔係咁差,佢對老婆好專一,只係太過自戀又懷緬昔日光輝,成日想東山再起,呃呃騙騙搞到神憎鬼厭」、「馬神做慣正經角色,今次改變戲路唔係個個慣,我就覺得唔錯」、「覺唔覺馬德鐘老咗似鄭少秋?」、「搵佢演丁蟹」。

對於馬德鐘終獲正評,Amy姐大表感動,並謂看到馬神為了得勤這個角色確是下了不少功夫:「佢雖然咁有經驗,但依然好勤力同好緊張,佢每次都會睇番自己演成點,又成日加好多自己諗出嚟嘅Punch Line落個角色度,我好欣賞佢。」另為配合宣傳,無綫官方網日前上載2015年馬神受訪時,大談對兒子馬在驤將來若要入行的看法:「將來佢選擇做乜,只能分析利同害畀佢聽,既然佢有條路自己希望選擇嘅,你一定要畀佢行;對與錯都要畀佢經歷。」足證思想開通,難怪每次在驤提起與爸爸合作感受,都必然大叫好玩過癮冇壓力,足證二人關係甚好。

馬德鐘放下「瀟洒正氣」包袱。
馬德鐘放下「瀟洒正氣」包袱。
馬德鐘放下「瀟洒正氣」包袱。
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟