【代溝關注組】鼎爺節目大爆被索100圍酒席錢

(截圖)

無綫綜藝節目《代溝關注組》日前(16日)一集兩邊年齡總和分別是201VS150,相差只得51歲,探討家中「四大長老」。後生仔代表之一楊潮凱表示會叫外父外母做爸爸媽媽,肥媽即刻黑面鬧冇嚟規矩,不喜歡阿仔在自己面前叫外母做「媽咪」。

講到結婚要俾禮金,李家鼎(鼎爺)自爆了一段個人經歷:「件事曾經發生喺我身上,被要求擺100圍酒席嘅禮金,但女家最後只係得10位,90位錢係自己袋,仲要加禮金!」後生仔陳詩欣亦聽過一單故事:「嗰家人要求男仔俾50萬禮金加禮物,雖然有俾,但講明呢一世都唔會再同枱食飯。」

肥媽(Maria cordero)為抱孫,又出招吸引新抱生仔,肥媽話:「同佢講生就得,我負責任!幫你買套票減肥,會幫你湊,讀書使費嗰啲照單全收。」令陳詩欣、蔡嘉欣𦧲飯應:「我生呀!」

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟