欣宜YouTube訂閱數破10萬 籲fans行善兼無懼畏高玩攀石飛索找數

去年開始努力經營個人YouTube頻道的Joyce鄭欣宜,早前公開講過,只要突破10萬訂閱用戶,便會做一件「大事」,另一邊廂,Joyce亦呼籲fans一起行善,為麥當勞叔叔之家籌款,更會在當中揀選兩名幸運的善長人翁,與她一起參與「Let’s Get Moist with Joyce十萬訂閱大挑戰」,兌現「找數」承諾。

原本希望為麥當勞叔叔之家籌集10萬善款的Joyce,估不到fans反應相當熱烈,現已籌得接近22萬善款,同時也令Joyce決定提高「找數」難度,她說:「其實本身諗過不如去挑戰食碗辣麵就算啦,但我又想叫人捐款,加上10萬訂閱我覺得係一件大事,同埋過去嗰兩年,因為疫情嘅關係大家都面對好多嘅困難,我覺得開咗YouTube之後,反而得到好多愛,工作上面都幾順利,所以係時候要俾返一啲嘢大家,所以今日我決定挑戰兩件『大事』,就係攀石同飛索。」

當日出發到石澳「找數」,天一直下著大雨,令Joyce相當擔心。「因為玩攀石同飛索,落雨會好危險,所以一直好擔心,但我去完髮型屋紥辮,出發去石澳,就見到忽然陽光普照,原來雨過真係會天晴㗎!」

與兩名善長fans會合後,Joyce首個任務是挑戰攀石,只在十六歲時玩過一次攀石的她,在教練從旁指導下,於垂直的懸崖上一步一步攀上十多米高崖頂,更要在終點位置攞一個任務袋,期間,畏高的Joyce不斷尖叫再尖叫,亦想過「縮沙」唔玩,甚至多次不信任教練的指示。

「我發現我最差嘅地方係唔信人,呢個係我一個好大嘅問題,攀石期間我唔信條繩、唔信教練,經過今次,我學識放手去信任身邊人,因為好多事情,一個人係搞唔掂。」

接著,Joyce再去挑戰飛索,她打開了在攀石時取下的任務袋,原來袋內放有YouTube授予擁10萬訂閱帳戶的白銀創作者獎牌,Joyce望著獎牌,感恩地說:「我估唔到有呢一日,本身係一個小小嘅興趣諗住疫情期間冇咩搞搵啲嘢搞,因為你哋成日睇我嘅片、留言俾我、訂閱我channel,多謝你哋令我每一次拍片都會好大膽去嘗試啲唔同嘅嘢,如果唔係開咗channel嘅話,我係一定唔會玩攀石、飛索,多謝你哋,我會繼續繼續加油!」

語畢,Joyce手持獎牌,在兩座懸崖間玩飛索,腳下面就是深不見底的大海,旁邊的工作人員不斷提醒Joyce,不要將獎牌丟落海,只見Joyce一直咬緊牙關、用力捉實獎牌玩飛索,最終成功挑戰兩大不可能的任務。

欣宜無懼畏高玩攀石飛索找數。
欣宜無懼畏高玩攀石飛索找數。
欣宜無懼畏高玩攀石飛索找數。
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟