「美人妻」蔣怡為子女搬超豪獨立屋 網民:好大個花園!

(IG)

現年44歲「美人妻」蔣怡(Coco)出生於江蘇常州,為香港前模特兒、演員和主持人。早在2013年與老公翁狄森正式拉埋天窗,婚後育有一仔一女,而喺2018年蔣怡陀B時,更獲老公送贈豪宅作獎勵。本身係模特兒嘅蔣怡,2014年赴倫敦修讀藍帶廚藝學校,並以最高榮譽畢業,被冠以「藍帶廚模」。

現時,蔣怡亦不時在個人IG分享烹飪心得,由中餐、西餐到甜品都色香味俱。不過,好多網民嘅重點都係佢間豪宅,由蔣怡日常分享嘅照片所見,其開放式廚房放有對門雪櫃、巨型焗爐等設施,而連接廚房嘅飯廳,除8人餐桌之外,亦有全白樓梯通往上層睡房。不過,最正嘅都係食飽之後,隨時可以到私家花園散步,喺抗疫期間,蔣怡就曾上載過一條同仔女喺花園玩樂嘅短片,由跳彈床、瀡滑梯、鞦韆、吹氣泳池到戶外藤椅全部都有,重點喺擺完以上設施後,小朋友仍有大量活動空間,可見其花園之巨。蔣怡曾經表示為方便子女上學及參與課外活動,以及享受大自然氣息,與家人於西貢清水灣共建安樂窩。她更表示自己雖然對物業投資沒有概念,但曾在沙士期間以低價購入東涌的物業,樓價回升後放售,再買入烏溪沙物業予父母居住,此外,蔣怡亦持有中環的唐樓用作收租。

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟