恆仔跳出框框做PTFG之王 坦言:唔可以浪費機會!

趙善恆早前執導兼主演的《一秒拳王》叫好又叫座,他主演的另一部新作、於本月22日上映的《#PTGF出租女友》,則屬獵奇式話題片,跟他過往的作品類別截然不同。《#PTGF》改編自真人真事網絡小說,恆仔飾演的PTGF之王「家俊」係真有其人,更令真實世界的全港PTGF起了翻天覆地的巨大變化。

恆仔坦言在接拍之初確曾猶疑,他表示:「作為一個演員,無論任何類型電影都想挑戰下,當然PTGF唔係我熟識嘅題材同類型。我拎劇本後自己都猶疑,『家俊』呢個角色自己做唔做到?做唔做得好呢?跟住同經理人商量,佢同我講好簡單,想做演員就去挑戰。都諗咗一段時間,係嘅,係應該要做同埋試練演技,加埋蕭定一先生親自打嚟同我講,我覺得唔可以浪費機會,因為喺香港做電影演員嘅機會係好難得,就決定做呢個角色同埋盡能力演好。」

要演一個PTGF之王的角色,恆仔跟導演鄭峰嵐亦商量過「家俊」玩PTGF及沉迷的原因,恆仔說:「去沉迷PTGF係愛情觀念同其他人唔同,同埋受過好嚴重傷害,於是開始接觸而迷失自己。」

正因為角色沉迷PTGF囡囡,所以片內有多位PTGF出現包括鄧月平(Larine)、郭奕芯(Ashina)、張沛樂(沙律)、馬俊怡(Rose Ma)、程美段等等。電影公司推出宣傳片後,網民都指恆仔好艷福,他對此笑說:「戲裏面係有好多好多女演員一齊演出,但實際上對我嚟講,重點都係同『芷純』(Larine飾)嘅愛情線。」

「家俊」沉迷PTGF世界,直至遇上PTGF「芷純」,才令他再次相信愛情。片中描述兩人的愛既複雜又真摯,有一幕他們在天台手持小煙花棒慶祝生日的戲份,儼如兩小無猜,sweet又浪漫。恆仔首次和Larine合作,兩人出奇地合拍,他說:「我覺得都好快好有默契,電影開拍前有圍讀劇本,大家都好肯商量,喺現場拍戲,拍攝到最後一刻,大家仲諗緊呢兩個人嘅關係有冇得再深刻,我覺得呢次係非常好嘅體驗。」

恆仔跳出框框做PTFG之王。
恆仔跳出框框做PTFG之王。
恆仔跳出框框做PTFG之王。
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟