【港姐競選】陳聖瑜同梁凱晴都係舞林高手 陳聖瑜精通彈古箏

今屆香港小姐決賽如箭在弦,今屆更超越「美貌與智慧」範疇,12位決賽佳麗各有專長,堪稱臥虎藏龍!當中最令人驚嘆的絕對是宋宛穎(Sabina)!6歲開始接觸各種舞蹈的Sabina,精通芭蕾舞、中國舞、爵士舞、Hip-Hop、拉丁舞、宴會舞及古典舞,對Girl style的爵士舞及現代舞亦薄有研究。Sabina又透露雖然自己較慢熱,但卻愛在鏡頭前載歌載舞、表演欲強,曾因而到薛家燕藝術培訓中心學跳舞,目的就是為了能上電視表演!Sabina興奮謂:「因為嗰時話喺嗰度學係可以上《歡樂滿東華》同埋兒童節目架嘛,我好記得我係上過2010年嘅《歡樂滿東華》!」從Sabina提供相片,發現其舞台及演出經驗豐富;而於11年前的《TVB兒童節之天才大匯演》活動期間,Sabina與《聲夢傳奇》學員之一的潘靜文更十分熟稔,經常合照。

另一位令人眼前一亮的、是同樣身為大熱門的陳聖瑜(Yvette),外表新潮Carefree的Yvette,原來周身刀張張利!6歲學習古箏的她,12歲已成功考獲8級資格:「我嗰時古箏係兩年兩級咁考,主要係老師建議我咁做。」身為古箏校隊成員的她曾為學校樂團「領彈」,並一度有加入香港中樂團的想法,但最終因「學業為重」放棄。Yvette笑言由於家人注重藝術方面的培訓,故她4歲開始已踏上培訓之路,包括學習行catwalk、拉丁舞及街舞等,中學時亦選修過視覺藝術。

另一大熱門15號梁凱晴(Carina)亦同樣是舞蹈狂熱分子,小學開始學跳西方舞的Carina,升上中學後再學跳中國舞及拉丁舞:「我享受好多女仔去完成一個表演,好有成功感,又可以大家一齊影靚相。」謙稱攝影只是閒暇興趣的Carina,其過往攝影作品以風景為主,構圖極富藝術色彩,問到她何來一手好技術時,她笑言主因可能是熱愛旅行:「我嗰時喺英國讀書,所以喺假期嘅時候去咗好多地方旅行,見到靚風景就會影低自己留念。其實我唔係好叻,不過我鍾意影風景相,特別鍾意由高處望落去一覽無遺嘅感覺,好舒服。」

決賽佳麗各有專長,堪稱臥虎藏龍。
決賽佳麗各有專長,堪稱臥虎藏龍。
決賽佳麗各有專長,堪稱臥虎藏龍。
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟