Phoebus被七師傅要求濕褲周街行 魯庭暉戥心痛:自嘲點都會有一絲腌腌痛

由七仙羽(七師傅)主持的ViuTV節目《七救星》近期深受觀眾熱捧,七師傅以搞笑又無厘頭的方法打救一眾藝人,令人笑爆肚。而早前有一集就打救由Phoebus(吳啟洋)、歐鎮灝(George)及葉振弘(Marco)組成的男子組合P1X3L,過程中Phoebus要換上全灰打扮,遭人弄濕褲周街行,連ViuTV董事兼總經理魯庭暉看完也戥Phoebus心痛。

他在IG上留言表示:「頭先睇七師傅。我睇到呀Phoebus條褲俾人整到濕晒周街行。我心諗,得唔得㗎。我明,雖然呢個世界有人鍾意佢哋,有人唔鍾意佢哋,而大部份人,係唔識佢哋。所以節目組好努力咁用自嘲嘅輕鬆手法,去突出佢哋個character,但我心諗,會唔會好玩好笑得嚟,都有難受㗎?」

魯庭暉續指:「一班人好紅好多人鍾意,自嘲,叫做approachable,一班人真係唔係話咁紅又唔係咁多人認識,自嘲,其實點都會有一絲腌腌痛。節目最尾,有一班真fans出現,擺明就係節目效果想佢哋感動啦,但其實感動嘅係George見到班fans之後講咗一句:『…其實我真係以為我哋冇乜fans…』佢哋其實唔係自嘲緊,佢哋係自知未得,選擇沉住氣,唔理lu、瞇埋眼、搏命跑。其實佢哋有幾多fans我唔知,但我知佢哋,呢幾個月,一隻一隻舞咁練緊、一首一首歌咁試緊、一個一個fans咁爭取緊。」

Phoebus IG圖
Phoebus IG圖
P1X3L IG圖
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟