Lokman赤膊Rap鬥AK夠爆炸 化身暴走族唱出心中火

MIRROR正、副隊長楊樂文Lokman與江𤒹生Anson Kong(AK)合作推出新歌《虎道門》,雖然二人首次合體派歌,但卻默契十足,在新歌MV帥氣登場,除以日本暴走族裝束亮相外,Lokman更不惜赤膊上陣,大曬健碩身型,二人又跳又唱兼且Rap,無論曲詞及造型都激情澎湃,盡顯Man爆男人味。

《虎道門》歌名意旨踏上舞台前經過的虎道門,只要經過這扇門走上舞台,就會忘記一切、盡情演出,享受在台上的每分每秒,展現Lokman與AK對舞台演出的熾熱情懷,AK表示:「希望每隻歌都可以表達唱者心聲,同Lokman做呢首歌時,節湊咁澎湃係想表現內心對舞台表演嘅一團火,只要經過虎道門上到台板,腦裡就只有盡情表演,盡情在台上發揮,就係呢首歌想表達嘅心聲。」AK續說,能踏上舞台機會珍貴,MIRROR 12子都很珍惜踏上台板的機會,當經過虎道門踏上舞台定必200%演出,無悔在舞台演出機會。

提到今次組合的誕生,AK透露由《全民造星》時已渴望跟Lokman合作,他指本身很喜歡Lokman Rap歌,而他構思的跳舞歌曲亦是以Rap作主軸,所以出跳舞歌第一時間會想成跟Lokman合作,他說:「參加比賽時,大家唔同Team,所以難有合作機會,到上年推出Solo歌已經想有合作機會,直至今年出咗《黑之呼吸》後,同花姐講想同Lokman有隻跳舞歌,上年出Solo歌,好多人問我幾時出跳舞歌,其實我一直諗住留番同Lokman先出跳舞歌。」而Lokman覺得自己同AK都是爆炸力比較大的表演者,一同合作,能夠盡情爆炸一番!

《虎道門》歌詞率真、曲風剛烈,究竟又是否Lokman與AK的兄弟相處模式?Lokman指他們二人的相處模式同樣是簡單直接,有時不需講太多,已明白對方,絕對是男人的浪漫;而AK指他們關係融洽,未曾鬧過交,而他亦視Lokman為他的哥哥,以Lokman作榜樣,相處之道好像哥哥跟弟弟一樣。

此外,今次MV主打日本風,以暴走族裝束貫穿整個故事,二人身上更貼上紋身貼紙,型格味十足,不過AK透露原來MV拍攝過程波折重重,他指原定MV的拍攝日期,因受風雨影響而改期,他說:「改咗期拍攝之後,到嗰日已祈求唔好落雨,但拍到中段時已經有雨粉,好彩仲頂得住,但到拍攝尾聲落好大雨,亦好彩雨好快停,畀我哋可以完成MV拍攝。」至於,Lokman指今次排舞師花盡心思設計舞步,Dance break絕不容易跳,Lokman表示:「今次做《虎道門》都幾緊張,我哋都做咗幾個版本,每一次寫詞同錄音都係一個嘗試,因為唔知道出嚟效果係點,每一次等待個成品出嚟,就睇下可以點改善,用咗唔少力。」

Lokman覺AK 夠化身暴走族唱出心中火。
Lokman覺AK 夠化身暴走族唱出心中火。
Lokman覺AK 夠化身暴走族唱出心中火。
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟