港姐以四式造型迎接問答考驗 丁子朗及孔德賢問得最刁鑽

《We Miss Hong Kong STAY-cation晉級賽》今晚(19日)就會播出最後一集,24名佳麗在慧妍雅集4位代表曹敏莉、向海嵐、劉倩婷、張嘉兒,以及師姐張秀文、朱晨麗、馮盈盈、何依婷帶領下進行終極對決,20名殺入準決賽名單即將揭曉!

最終回內容緊湊精彩,四組佳麗先分別以英倫淑女、型格中性西裝、東方傳統旗袍及羅馬式飄逸靚裙四個造型展現舞藝,再接受12名男藝人刁鑽問答考驗,最後進行才藝表演。12名男藝人中,以丁子朗及孔德賢最為刁鑽,分別掟出「你哋最想Foul邊個」及「邊個覺得自己好有機會冠軍」考驗佳麗,眾佳麗一度面露難色,但最終仍有勇者大膽「接招」,獲電視廣播有限公司副總經理(綜藝、音樂製作及節目)暨大會評審曾志偉大讚「答得好好」。才藝表演方面,橙組佳麗盡顯搞笑一面,粉紅組的王嫿嫿及戴佳敏則以一字馬「艷壓群芳」,同樣獲曾志偉點名讚賞。

昨晚(18日)播出一集,師姐莫可欣及麥美恩齊以導師身份向佳麗教授禮儀及口才。莫可欣先著佳麗自我介紹,大熱梁凱晴未知是否因緊張「失手」,獲得莫可欣以下評價:「你講嘢太單調,你似喺電視介紹自己,我感受唔到你,似唸稿多啲,要多番啲高低音。」另一大熱陳聖瑜則在考驗口才環節失分,可能太想積極表現自己,不小心與隊友王嘉慧互搶對白,被莫可欣點評:「好多人同一時間講嘢,同埋有人搶嘢講。」另一師姐李嘉慧則教導佳麗如何保持美態,並大讚佳麗:「個個都幾可愛,有啲都幾小朋友。」

整個Staycation除了佳麗落足全力,師姐們亦相當投入肉緊,尤其4位慧妍師姐更是貼心指導及扶持師妹,令佳麗們在最終回成功蛻變成真正的準MISS HK!在最後衝刺決賽前夕,8位與佳麗同甘共苦的師姐與佳麗進行真情對話,並先後以自身經歷勉勵師妹,當中朱晨麗就分享自己如何面對因不懂廣東話帶來的壓力:「初頭參選唔識講廣東話,連講自己全名都口窒窒,每次面對傳媒或面對佳麗都係唔出聲,因為好怯。但唔緊要,大家會包容,當然大家亦都會笑(我),但(諗番)如果可以令到大家開心咁又一日,都幾好吖。」張嘉兒則勉勵師妹們謂:「決賽嗰日,突然媒體話我係黑馬,唔好畀外界LABEL咗你係大熱,或者冇人留意,然後影響自己嘅信心,其實所有人都有機會。」由於眾師姐分享內容真摯,場面感人。

港姐以四式造型迎接問答考驗。
港姐以四式造型迎接問答考驗 。
港姐以四式造型迎接問答考驗。

 

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟