阿Bob二女及三女年紀輕輕舞藝了得 全港校際跳舞比賽成功獲獎

林盛斌(阿Bob)與太太黃乙頤(Pearl)是圈中恩外夫婦,二人育有三女一子,也是出名的模範父母。其中,兩人的二女熹兒(Haye)及三女機兒(Kaye),原來是體育高手,不旦識體操更舞藝了得。Bob嫂Pearl日前在IG上指,Haye與Kaye 參加全港校際跳舞比賽成功獲獎,更分享了二人手持獎狀及獎盃、獎牌的照片。

Pearl︰「二家姐三家姐參加咗剛過去嘅『全港校際藝術音樂舞蹈節2021』,媽咪又係一早爬起身同佢哋去。去咗咁多次,化妝水平日漸提高(好奇怪,自己唔化妝但係識化其他人)其實佢兩姊妹嘅妝容係有分別㗎!本來我都係用一樣嘅手法放落佢哋兩個塊面上面,但係原來咁係唔得㗎!一開始嘅時候,同樣嘅黑色眉同埋黑色眼線,喺二家姐嗰度就好出色,但係喺三家姐嗰度就會顯得佢好惡,所以我諮詢化妝師朋友,發現原來三家姐要用啡色眉毛同埋啡色眼線。個結論就係,就算我係一個唔化妝嘅人,我都有齊晒所有化妝工具﹗最後,報喜一下。二家姐:團體比賽-金奬。三家姐:個人比賽-金獎。」

黃乙頤IG圖
黃乙頤IG圖
林盛斌IG圖
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟