李思捷慘成十大乞人憎藝人第三位 無底線自踩放大自己「特質」

由李思捷主持及監製的無綫全新遊戲節目《思家大戰》,將於8月尾正式推出,但未開播前已是非多多,矛頭直指李思捷位居「十大乞人憎藝人排行榜」第三名,回巢無綫實有趕客之嫌!

不過向來玩得的李思捷似乎唔多介意,昨晚 (17日)無綫播出《思家大戰》電視及網上官方宣傳片更以無底線自踩方式進行拍攝,將傳聞中的李思捷乞人憎「特質」無限放大,難得的是除了主角李思捷不計形象全面配合,更有黃建東、袁文傑、高海寧、糖妹(黃山怡)擔任數臭專員,配以李亦喬(牛雜妹)等傾力爆笑、誇得嚟又有點hea的演出,相當破格!

電視宣傳片以「傳說娛樂圈有個人渣得罪全行」 、「畀人封殺六年,仲唔知醜四圍搲撈」為主線,並配以藝人大量負評:「麻煩友咯,成日唔跟稿改劇本」、「最叻抄橋嗰個吖嘛」、「都算串同樣衰」、「李思捷吖嘛?唔講喇,完!」,以及執紙皮、數銀紙、掟錢等畫面,描述思捷如何「不擇手段」重金買下《思家大戰》版權。網上宣傳片則以「前傳」形式播出,內容圍繞思捷與一班幕後開會度橋,期間思捷要求:「重金買番嚟版權係咪應該拍得Grand啲呢?」、「搵高層曾志偉、王祖藍嚟撐一撐都好吖嘛!」、「一定要拍得我型架喎。」但幕後卻獻計以負面字眼「冇料扮四條」、「臭串」、「抄人」、「今晚唔睇李」以及群星數臭做噱頭,最終氣得思捷終極反枱喪鬧,片尾更有思捷聲演無綫高層彩蛋。

對於思捷的自我消費式宣傳,網民似乎頗為受落,紛紛留言表示笑爆肚:「正喎,吸引!個個演員都好好戲,誇得嚟又唔OVER。」、「木子田心捷返嚟,又可以笑爆肚。」、「 笑死我,加油,木子田心捷,期待」、「這段片笑到碌地,李思捷最好嘢。」

李思捷慘成十大乞人憎藝人第三位。
李思捷慘成十大乞人憎藝人第三位。
李思捷慘成十大乞人憎藝人第三位。
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟