ANSONBEAN成為廣告界新寵 最希望拍到遊戲機廣告

代言的甜筒廣告才剛播出街,ANSONBEAN再有新廣告登場,今次合作單位是大人細路都喜歡的乳酸飲品益力多。歷年來益力多的廣告因為夠創意,令觀眾留下深刻印象,今次ANSONBEAN一連三集的廣告同樣不例外,更足足花了三天時間進行拍攝。

「拍到益力多廣告,一來好開心,二來有少少惆悵,因為要凌晨兩、三點起身去開工,之後拍到第二日凌晨一點先收工,變相我要好早瞓覺,調節番生理時鐘。」

廣告的第一集,內容講ANSONBEAN不喜歡外型太甜美的女孩,反而愛上小甜運動型少女,帶出小甜益力多,同樣有吸引力。

「其實今次廣告拍攝好好玩,好多搞笑場面,仲要我踩單車失手跌低,不過最難忘係我要俾個小朋友恰,仲要不斷俾佢鬧,又用水槍射我,我咁大個人都未試過俾小朋友恰。」

除了俾小朋友恰,ANSONBEAN在廣告中還要和一隻被他請救回來的蝸牛對戲,當他情深地對著蝸牛講少男心事,期間,ANSONBEAN心儀的運動型少女突然出現,原來她發現遠處有足球正射向ANSONBEAN,於是上演了一幕「美女救英雄」,非常搞笑。

益力多是很多人的童年回憶,ANSONBEAN也不例外,他說:「我記得第一次飲益力多,係我補習老師請我飲,因為未飲過,覺得好特別,讀小學嘅時候最鍾意用飲筒飲益力多,飲完之後會將佢倒轉,隻手揸住支飲筒扮鎚仔揈嚟揈去。」

提到成為廣告界新寵,ANSONBEAN感謝客戶的愛戴,問他還想接拍什麼類型廣告?他想也不想便說:「最希望拍到遊戲機廣告,因為內容可以天馬行空,又可以加CG,一定好好玩,同埋我都好鍾意打機。」

至於收入愈來愈多,ANSONBEAN暫時未想到買什麼禮物獎勵自己,反而平日跳跳紮、只有二十歲的他,原來也有暖男的一面。

「我未諗點樣獎勵自己,反而剛才買咗好多嘢飲俾工作人員,係我第一次『萬歲』,因為呢幾日拍攝,大家又曬又熱勁辛苦,請大家飲嘢我覺得好應該。」ANSONBEAN說。

ANSONBEAN成為廣告界新寵。
ANSONBEAN成為廣告界新寵。
ANSONBEAN成為廣告界新寵。
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟