黃妍新專輯簽名會親自聽樂迷反應 粉絲冒雨捧場勁感動

O.U.R. works (平原習作) 唱作女歌手黃妍 (Cath) 花了兩年時間籌備的全新專輯《九道痕跡》日前火熱推出,今日假旺角 CD Wardhouse 舉行簽名會。逾百歌迷一早持碟到場排隊支持,活動秩序良好,令 Cath 十分開心,更為她下月舉行的《FTLife 富通保險呈獻: 黃妍 Cath Wong 2021 音樂會》打了一支強心針。

由於 Cath 已經兩年沒有推出專輯,所以「餓碟已久」的粉絲們都興奮地拿出她的新作索簽名,看到很多粉絲冒著大雨前來見面,Cath 感激之餘,亦把握時間與粉絲們交流,也應要求與大家自拍留念,所有人都滿載而歸。Cath 表示:「今次簽名會其實既興奮又開心,而且都幾期待,因為時隔兩年出碟,專輯係呢兩年嘅記錄,所以好想面對面咁同大家分享。」被問到有無收到外間對新專碟的反應,Cath 笑言有粉絲太心急買碟,險些要用「搶」的才得手!「隻碟出咗之後有啲朋友 tag 番我,有人話隻碟喺舖頭上架之前,差啲要喺店員手上搶嚟買,好搞笑!而我亦有朋友去買碟時,已經係店內最後一隻,所以有唔少人擔心買唔到。不過,聽到大家反應咁熱烈,我真係好感動!好感謝大家支持。而且暫時聽到大家對隻碟嘅感覺都係 positive (正面),可以有一隻大家都鍾意嘅碟,我當然開心!另一方面,有人話隻碟好有台灣味,我聽到呢個反應都係開心嘅。」

今次《九道痕跡》實體專輯的包裝十分精美,是 Cath 與製作團隊的心血之作,她對這位「新生兒」當然愛不釋手!「專輯成個外型我都好鍾意,我喺兩星期前見到個 dummy,已經覺得好靚,尤其係外圍包裝用咗膠套,上面印咗自己個名,加上其他 detail 位,好似有個九邊形嘅白色字,同埋封底歌名被框起嗰啲,我全部都好喜歡!仲有我哋印咗歌名嗰張牛油紙,嗰啲我都好鍾意!」

另外,由 Sony Music 主辦、Live Nation 協辦,The Healing Sounds Of Future Music Series 來日之音 – 音樂會系列第二擊《FTLife富通保險呈獻: 黃妍 Cath Wong 2021 音樂會》將於8月27日假海洋公園怡慶坊隆重舉行,距離開騷尚有一個月時間,Cath 積極備戰,勤練表演,而且為了度演出流程,與製作團隊多次開會,製作十分認真。

Cath 說:「之前成日諗住 Phil (林奕匡) 開先過我,佢都未開,我就有排啦,點知眨吓眼,阿 Phil 已經開騷,我睇得好開心,但冷靜落嚟諗一諗,原來下個就到我!所以開始緊張。現階段已經有 song list,要表演嘅嘢都已經學咗,之後就靠自己練習,同埋我要聽熟啲歌。」Cath 笑言自己以音樂為主,沒有騷肌環節,但自己將心思都花在演出流程中:「我覺得成個 show 最緊要係個 flow,尤其係我出碟後,有人話我知原本佢對某啲歌係無特別感覺,但順住 flow 去聽,變得愛上咗隻歌,同埋搵到歌中意義,令我喺安排演出曲目時,更加覺得要恰當地去儲好觀眾嘅情緒,同表達當中 message係件好重要嘅事,亦係我喺今次演唱會中,想做到嘅嘢,希望入場觀眾可以感受到。」親自去捧完師兄 Phil 場的 Cath 表示,當看到對方在台上很享受舞台、享受演出,以及聽到對方花心思重新編曲去表演,她覺得演唱會精彩之餘,自己也戥 Phil 開心,同時獲益不少呢!

黃妍新專輯簽名會親自聽樂迷反應。
黃妍新專輯簽名會親自聽樂迷反應。
黃妍新專輯簽名會親自聽樂迷反應。
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟