黎明演唱會獲群星撐場 邀麥浚龍合唱《耿耿於懷》

黎明(Leon)《Talk & Sing 2021紅館演唱會》昨晚第7場演出,寰亞傳媒執行董事葉采得、騰訊音樂高層Cussion、蘇志威、佘詩曼、陳伶俐、方皓文和江海迦(Aga)等好友捧場,阿佘睇到好投入,不停揮動手機燈跟住大合唱。Leon每晚台上都會提及麥浚龍(Juno)的《耿耿於懷》,昨晚終於邀請了原唱者擔任特別嘉賓,全場歡呼。

Juno上台,Leon對他說:「頭先講嘅故事係真架,真係我朋友個仔嘅失戀故事,我啲歌開心啲,你多啲失戀歌。」然後他發現二人心有靈犀全黑造型,再說:「我鍾意彩色多啲,你鍾意黑白,估唔到今晚襯咗!」前年他們首度合唱《忘記和記》,成為多個流行榜冠軍歌。昨晚Juno憶述邀請Leon合唱過程是個冒險之旅。

Juno說:「我打俾Leon合作之前,我先問Mark(雷頌德),佢立即同我講:唔得架,唔得架,你算巴啦!我諗住機會一半一半,都打俾Leon試吓啦!而你好快答應。每次追求新創作,當中都有冒險成份,好刺激,亦孕育咗我哋嘅合作,我希望唔係只此一次。」Leon認同:「Yes!」又說:「通常我好爽快,俾我諗一晚。嗰次我真係諗咗一晚就答應,因為真係寫得好好。」然後他們合唱《忘記和記》,全場觀眾亮起手機燈,紅館變成繁星晚空,非常美麗。

黎明演唱會邀麥浚龍合唱《耿耿於懷》。
黎明演唱會邀麥浚龍合喝。
黎明演邀麥浚龍合唱《耿耿於懷》
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟