狄易達隊壓倒性贏第二輪Battle Tania超柔軟身手獲封MVP

集合全港熱愛跳舞精英的無綫全新「舞動」綜藝真人Show《盛‧舞者》,昨晚(14日)10時半翡翠台播出第八集。上回講到狄易達戰隊在第二輪齊舞戰勝出,這一集以「鬥心」為主題的第二輪Battle戰,達仔隊在五個回合中總共贏了三個回合,以壓倒性姿態力壓其餘兩隊奪得Battle戰第一名及第二輪總冠軍;落敗的王君馨及麥秋成戰隊,則需各自淘汰一名隊員。

第二輪Battle戰與第一輪有少許分別,各隊只能派出三名成員、輪流出戰五個回合的比賽,取得第一名隊伍可獲50分,第二及第三名則分別獲得30及20分。秋成隊派出孖8(李俊華)、俊堅及Odi,君馨隊派出小林、Gordon及被形容為「最勁炸彈」的Pizza,達仔隊則派出Monkey J.、Tania及達仔自己。

其實Monkey J.、俊堅、孖8、達仔、Pizza都有相對的Battle及街舞經驗;Tania則完全沒有相關經驗,但由於身手柔軟靈活,又有一定舞蹈底子,拍埋四位「高手」並未有失色;加上Gordon、Odi亦傾盡全力演出,高難度動作目不暇給之餘,眾人將舞蹈完全融入現場音樂節拍中亦令觀眾看得過癮,精彩度早已超越文字能夠形容的範圍。三名評判對是次對擂大表Respect:「三隊都好正,Respect!每一隊都有互動性,做到真正Battle應該有嘅交流。」

Tania更獲評判封為Battle戰MVP:「將現代舞用嚟Freestyle Battle好正!音樂感發揮得非常直接,好Impressive。」達仔事後指Tania對霹靂舞或街舞是完全零經驗,只是靠意志苦練,難怪會練至大腿有瘀傷。達仔謂:「佢完全唔識地板動作,但上一Round輸咗後,佢話要做Battle Girl,之後真係狂練。雖然佢本身有體操底子有幫助,但啱啱學就要玩Battle係超級難。」

最終達仔隊頭三個回合取得全勝,比賽還未完成已肯定會在Battle戰中獲勝;君馨隊與秋成隊最後關頭分別派出Pizza及孖8做「鐡膽」,最後二人各取一回合需要進行額外一round比賽決定第二名,最終孖8「舞」贏Pizza,秋成隊獲得Battle戰第二名。綜合第二輪齊舞及Battle戰成績,頭三名順序為狄易達隊、君馨隊及秋成隊,君馨與秋成因而需要淘汰一名隊員,被淘汰的分別是拉丁舞能手Anson以及奶仔(方紹聰)。秋成傷感透露Foul奶仔原因,是想對方好好休息:「佢第一次比賽已整親頸,成個排舞佢都好辛苦,係時候畀佢休息吓,希望你明白,在心中。」奶仔則感性回應謂:「我入咗TVB 11年一直做演員,有時會覺得跳舞好似同工作冇乜關係,又搵唔到錢。但今次呢個節目,令我發現原來好多嘢唔一定要對工作有幫助,唔一定要搵到錢,其實我跳舞好開心,呢個已經足夠。」

TVB供圖
TVB供圖
TVB供圖
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟