《寶寶大過天》白色靚袋掀熱議 香香Carry靚衫獲激讚

無綫翡翠台逢星期一至五晚八點半播映的劇集《HiPP喜寶有機奶粉特約:寶寶大過天》轉眼迎來結局周,本周劇情更趨緊湊,兩位靚媽康雅悠(岑麗香飾)及雅悠表姐葉帆(陳自瑤飾)將會面對各種難關,二人情緒更一度甚至數度崩潰,對香香和YoYo來說絕對是演技大考驗。

除了劇情引人入勝,向來觀察能力高的網民,對於演員的「衫褲鞋襪」亦相當關注,當中飾演全職媽媽的香香,無論休閒LOOK、OL LOOK、仙氣LOOK均成為網民熱話。上星期劇情講述,香香為了迎合老闆要求,三折買了一個名牌手袋,結果惹來老公游在山(馬國明飾)疑心,雙方因而爭執。

雖然該個白色小手袋較後期才出場,但由於在該集「戲份」頗重,結果引發網民「查找」能力,剖析該手袋有幾好用之餘,仲為靚袋身世大起底。「新加坡牌子嚟」、「我見到馬明打開嗰陣可以成個風琴咁咁多格數,我都嘩一聲!」據知,該手袋由服裝部同事安排,不過由於劇集已拍了一段時間,故此現時要買回同一款手袋可能有點難度。

另外香香Carry靚衫的能力,也備受網民讚賞:「香香啲衫好靚,加上佢又著得好好睇。」有網民甚至連香香簡簡單單一對小白鞋,都落力追問「喺邊度買」。

談到造型備受網民喜愛,香香笑言感到十分開心:「首先好多謝網民鍾意我個角色啲衫同配搭。」她亦大方分享穿衣之道:「襯衫我平時會揀高腰褲同高腰裙,因為會顯得條腰瘦啲、對腳長啲。鞋方面,我平時都鍾意著白色波鞋仔,因為舒服、易著又易襯,襯裙或牛仔褲都得。」

香香仲教埋大家如何著得簡單斯文又得體:「百褶裙同過膝頭哥嘅裙,我覺得易Handle同斯文啲;上身我會襯番Sweater又或者舒服嘅恤衫,感覺專業啲。返工嘅話,間唔中襯件西裝褸再加條腰帶,個Total Look望落已經唔錯。」

TVB供圖
TVB供圖
TVB供圖
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟