馮允謙到中大Busking憶低潮 釗峰與On仔驚喜撐場

寰亞唱作歌手馮允謙(Jay Fung),日前帶住結他現身中文大學busking,近百學生圍觀齊齊大合唱,之後排長龍影合照,非常熱鬧。C AllStar的梁釗峰和陳健安(On仔)驚喜現身撐場,全場起哄上台合唱,因為Jay手上的歌詞是只有他本人才看懂的英文拼音版本,釗峰睇到皺晒眉頭,全場爆笑。

相隔幾年再busking,Jay表示心情興奮,他說:「我已經有3、4年無busking,今次以嘉賓身份嚟中大唱歌俾學生聽,好開心。我預備咗最新派台歌《思念即地獄》、喺今年初頒獎禮攞獎嘅《地球來的人》、我好鍾意嘅《山旮旯》,同埋一首英文歌。最驚喜係唱唱吓,突然見到釗峰和On仔喺觀眾裹面,佢哋唔只嚟睇,仲被我迫佢哋上台一齊唱歌,好開心,全場氣氛好好。」最後Jay獨唱了一首他創作的英文歌《How Many Times》,旋律部份熟口熟面,原來就是華納歌手張天賦(MC)大熱情歌《反對無效》的英文版,Jay說: 「我喺2017年寫呢首歌,自己填咗英文詞唱成Demo,當時我面對事業低潮,工作唔太順利,對自己無乜信心,歌詞係幻想另一半要離開我嘅心情。」經過不斷努力,Jay如今是一位成功的唱作人,前途光明。

這次Jay以嘉賓身份出席中大學生舉行的「體驗市集」活動,亦是學生們的其中一份功課,DJ 麻利是導師兼活動主持。同場還有學生之前透過C AllStar的客席講課後,分別以四位成員為主題,創作不同攤位,以不同角度和方式介紹音樂藝術,場面熱鬧。當Jay到場後,學生們一湧到台前圍着坐在地上,問他們想聽哪些歌時,都異口同聲《山旮旯 》,Jay當然早有準備,同學們又歡呼又拍手,非常熱情。期間Jay在人群中發現釗峰和On仔,立即請他們上台,加上同學們起哄,三人合唱《思念即地獄》,還帶領全場大合唱其中英文副歌部份「I don’t wanna lose someone like you. It’s killing killing me without you.」。同學們耳油未盡叫encore,於是On仔就化身攝影師,紀錄「雙Fung」合唱《陀飛輪》。

馮允謙到中大Busking,獲釗峰與On仔驚喜撐場。
馮允謙到中大Busking,獲釗峰與On仔驚喜撐場。
馮允謙到中大Busking,獲釗峰與On仔驚喜撐場。
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟