陳明憙曾歷嚴重焦慮 新歌結合音頻治療

經歷了一年的沉澱,「純氧女聲」陳明憙(Jocelyn)於今日正式推出新歌〈聲之靜〉,將音頻治療結合旋律,為樂迷帶來另類音樂新體驗。

Jocelyn曾經經歷了嚴重失眠,嚴重得出現焦慮,甚至腦袋不能停下來的苦況。嘗試不同的方法後,她後來接受了音頻治療,令情況好起來,後來她更被激發,考取了音頻治療師的認可資格。「我將我呢個經歷分享咗俾身邊朋友聽,發現原來好多人都有失眠嘅問題,然後我就諗,音頻治療好幫到我,唔知我可唔可以透過音樂,將呢個方法分享俾大家呢?」於是Jocelyn就想到要將音頻治療的元素放入廣東歌之內。

因為Edward Chan的緣故,Jocelyn認識了Cousin Fung,二人第一次見面就一起寫歌,但因為一早知道要加入音頻治療元素在歌曲之中,所以歌曲寫了幾個月,卻是最貼心的一次創作。Jocelyn回想起在錄音室的點滴,說:「今次好好玩,因為要加入音頻治療常出現嘅音叉聲喺歌曲之中,於是我哋利用平時人哋錄ASMR嘅咪,將平時同人做音頻治療俾人聽嘅聲錄低,之後Cousin再研究點樣加入喺歌曲裡面。」除了加入音叉,旋律上亦跟過往有很大分別,Jocelyn解說道:「寫歌時我哋特別將平時喺和音先會出現嘅哈、嗚聲,又或者係呼吸聲變成了主旋律嘅一部份,等大家聽住或者唱住〈聲之靜〉時,可以同步深呼吸同放鬆。」為了營造空靈、夢幻的感覺,Cousin更用了特別的導唱方式,Jocelyn說:「錄音嗰陣Cousin會俾啲夢境嘅相我睇,有時係夢幻森林、有時係宇宙,我就跟住張相俾我嘅感覺,去唱一次首歌,所以而家最後嘅版本,係我諗住咁多個唔同嘅夢境所演繹嘅混合版,好有趣。」

Jocelyn亦透露,籌備中的EP,亦會循著這個方向,將流行曲與音頻治療的方法與聲音結合,並加入周遭朋友的痛楚經歷來譜寫新歌,希望藉此可以為樂迷帶來不同的看法與解決方式,讓大家得到抒援。

自取得音頻治療師證書後,近期亦忙於進行新歌製作及電視劇拍攝的 Jocelyn,同時也創辦了「Atlantis Sound Healing」服務,開辦不少私人音頻治療,已經為近百人分享過這種自然療法。

陳明憙最新廣東歌結合音頻治療。
陳明憙最新廣東歌結合音頻治療。
陳明憙最新廣東歌結合音頻治療。
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟