黃妍備戰個唱靠睇戲放鬆心情 堅持嘆雪糕 Keep「最佳狀態」演出

由Sony Music主辦、Live Nation協辦,The Healing Sounds Of Future Music Series 來日之音 – 音樂會系列第二擊《FTLife富通保險呈獻:黃妍 Cath Wong 2021 音樂會》將於 8月 27日假海洋公園怡慶坊隆重舉行,門票將於 7月 12日(下週一)早上10時起於 Cityline公開發售。

今次的演唱會,是 Cath 相隔 2年再舉行的個唱,距離開騷尚有一個多月時間,Cath 已開始準備,除了跟團隊開會決定流程及演唱曲目之外,也加緊練習樂器,更透露為個唱學習新技能,希望屆時可以有驚喜給觀眾。Cath 對個唱顯得有信心:「因為仲有時間,唔算好急,不過因為唔想之後好趕咁,所以有啲嘢已經開始準備,該學嘅同該練嘅都已經開始,我又同團隊開過會,主題亦定咗,會靚嘅,自己都好期待。」另一方面,Cath 致力保持輕鬆心情迎接開騷大日子:「會睇戲放鬆下,保持放鬆嘅心情去做,就會簡單啲。」

被問到有無收到親戚朋友的 order預留門票,Cath 笑言:「其實喺我公佈咗開演唱會之後,真係有朋友託我留飛,其中有一個朋友幫另一朋友買,只係留一張!一個人睇 concert好似好孤單咁,但又好搞笑,我都要多謝嗰位朋友,一個人咁尷尬都嚟睇。」為了報答觀眾,Cath 預告會積極練習,務求以最佳狀態演出。

很多歌手在開騷前都會戒口及 keep fit,Cath 卻反其道而行,她坦白說:「從來都冇諗住食少啲,哈哈!我夜晚都係會照食雪糕,雪糕真係好重要㗎!尤其當你心情唔好時,或者忙完之後,食一啖雪糕,涼浸浸咁,成個人就舒服晒,所以雪糕真係唔能夠 cut!」不過,放肆還放肆,Cath 仍會養聲,「食完雪糕我會飲返啲暖水,而且會做運動keep fit,雖然好辛苦,但持之以恆,每日做半個鐘,練出個身型。」另外,Cath 指媽媽亦會為自己準備愛心靚湯。

黃妍備戰個唱靠睇戲放鬆心情。
黃妍備戰個唱靠睇戲放鬆心情。
黃妍備戰個唱靠睇戲放鬆心情。
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟