《大叔的愛》眾演員為主題曲勤力練舞 黃德斌話壓力大要求清場跳

ViuTV《Q房網香港六週年呈獻 大叔的愛》眾演員黃德斌、呂爵安、盧瀚霆、邱士縉、簡慕華、陳子豐、練美娟等人早前齊集,為劇集拍攝片頭主題曲,眾人專程排舞盼突圍而出。黃德斌於片場不時嘆氣,更趕完成的演員離開,場面搞笑:「叫佢哋快啲走,唔好搞我啦,因為好大壓力啊!導演話得就得喇,但係自己就覺得可以好啲,頭先叫做『做咗動作』囉,比多啲時間我排練,可以向歌舞戲呢個目標出發。」

呂爵安、盧瀚霆、邱士縉雖然精於跳舞,但NG次數竟比同場的練美娟(娟姐)和徐㴓喬(Asha)多,Edan認叻話自己表現比隊友佳,但反被Anson Lo指責「計較」:「跳舞呢樣嘢,我一向都好敬重Edan,所以輸比邊個都冇咩所謂,都唔知Edan比較嚟做乜,呢個世界真係太多競爭啦。」Edan亦不甘示弱話教對方兩招跳好啲。Stanley就話呢日演員齊集,但幾乎不認得黃德斌:「因為佢剃咗鬚,真係怪怪地,成個人後生晒又靚仔咗。其實今日大家見面有點怕醜,要啲時間Warm Up,好快就返翻去拍劇個氣氛。」

現場練美娟信心十足,但當導演要求她打頭陣時,卻以補妝為由推隊友上陣:「因為真係驚驚地,要拍埋MIRROR一齊跳,但導演都話叫我表情為重,呢方面我做得好足!今日最後一日拍攝,但唔會唔捨得啦,一來成日都會見面,而且我有信心會開第二季,到時又會見面。」而同場的陳子豐自嘲年紀大,增加跳舞難度:「其實做咩表情我都諗好晒,但係要我記Step就有難度,話晒都四十歲去到中年,未必夠MIRROR啲後生仔嚟。」

ViuTV供圖
ViuTV供圖
ViuTV供圖
ViuTV供圖
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟