【殺出個黃昏】林家棟監製新作!謝賢、馮寶寶60年後再合作

(大會提供)

由林家棟監製、聯合編劇,謝賢、馮寶寶、林雪及鍾雪瑩等主演的港產電影《殺出個黃昏》將於下週上畫,四哥與馮寶寶自粵語片《連理枝》後,相隔60年再合作,四哥表示:「Bobo喺我眼中永遠係一個小妹妹。雖然係舊拍檔,但係今次有新嘅火花,今次一齊再重拾青春。」而BoBo姐就話:「我聽到係同四哥合作,嗰陣喺馬拉即刻飛翻嚟,佢真係似我大哥哥㗎。今次隔咗60年再合作默契有增無減,好似時光倒流咁!」對於今次出山孭重飛演出,四哥自言不會覺得吃力:「唔辛苦!點會辛苦呀?我拍每一部戲都覺得好好玩,因為我鍾意先會拍㗎嘛!」。四哥近期仲同劇組出席謝票活動,果然老當益壯!

片方今日(5日)公開首支預告片,曝光劇情及人物關係,四哥飾演的「田立秋」一直恐懼老去,當寂寞無助的他遇上由鍾雪瑩飾演失戀尋死的「屈紫瑩」,不禁泛起憐憫之心;馮寶寶飾演的「蔡鳳」則有多重身份,既是歌廳持牌人、駐場歌手、殺手中介,還是三代同堂的好嫲嫲,看似事業家庭皆得意,卻原來與家人關係不穩,未知如何修補。而林雪飾演的「葉一叢」表面熱愛床上運動,實質是一個渴望被愛包圍的大叔,三人在黃昏之年尋找到存在價值。

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟