【盛‧舞者】關嘉敏打完拳再練舞 每日Chur盡直踩近16個鐘

籌備三個月、一連11集、集合全港跳舞精英的無綫全新「舞動」綜藝真人Show《盛‧舞者》,今晚(5日)10:30翡翠台隆重首播。有別於近年選秀節目,節目創製由香港頂尖排舞師推動,在香港不同地方直接揀卒,挑選本地最具實力舞者,見證他們為理想、為代表自己,如何在節目中進行連場香港電視史上前所未見的Battle。團隊更強調會以極「不TVB」的製作及拍攝手法,務求令觀眾耳目一新。

隨著拍攝花絮、MV及首集一鏡拍攝精華曝光,各參賽者身份亦逐步備受關注。藝人代表除了天堂鳥Gordon(葉泓聲)及方紹聰(奶仔)外,關嘉敏(卡文)亦是焦點所在。之前在無綫綜藝節目《明星運動會》拳擊比賽中Fight贏女子組冠軍的她,5歲已開始跳舞,並想透過參加《盛‧舞者》見識更多不同舞種以增強實力。報名《盛‧舞者》在先的她,後來見到拳擊比賽召募時,因有感踏足擂台是難得機會,才爆seed報勻兩個節目,因而Chur盡了自己,每日直踩接近16小時備戰:「兩邊係疊住咗,我朝早三至四個鐘拳擊訓練,再緊接排舞到凌晨三、四點,所以先得咁少時間瞓。成個六月真係好唔夠瞓,我會話係『非人生活』。」

壓力再加上要節食減磅,卡文短短兩星期內瘦了10磅。而不幸的是,在《盛‧舞者》Casting前夕,痛錫她的嫲嫲不幸離世,不過意志力過人的卡文,卻視之為推動力:「以前無論我想做乜,嫲嫲一直都好支持我。好記得嗰日佢火葬,我朝頭早喊到豬頭咁,但下晝就去Casting。(點平復情緒?)我不斷回想之前佢一直同我講:『我好想睇到你喺電視上面跳舞,同做得愈嚟愈好呀。』所以我一定要盡力做到畀佢睇,唔想辜負佢。」卡文又謂完成拳擊賽事後,即「咩都塞晒落口」慰勞自己,並謂意志變得比之前更強頑:「我唔單止做到,仲要冇受好大傷患,所以好為自己自豪。」

TVB供圖
TVB供圖
TVB供圖
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟