陳自瑤贏埋《識貨》做帶貨王 被黎諾懿封「綜藝一姐」祖藍稱要雪藏

一連十集的無綫真人競技綜藝show《識貨》昨(2日)晚直播決賽,司儀Do姐等即場宣布陳自瑤(YoYo)與黎諾懿「出線」晉身決賽,陳嘉佳(細細粒)雖然大熱倒灶,但仍大方向YoYo送上祝福,並開心謂:「我終於畢業喇!我要返嚟第二季!」

YoYo與黎諾懿全程需經過長達一個半小時的激烈競爭,二人期間要向現場其他見習主播及嘉賓爭奪至抵價靚貨進入終極實戰,未知是否YoYo參賽以來一直表現緊張認真又努力,現場嘉賓似乎都較「偏心」她,過半數人都願意將靚貨交給她;最終在第一集表現強差人意的YoYo,竟來個終極大反轉,在逾半小時內打出了近半百萬銷售額的亮麗成績、撼低黎諾懿成「帶貨王」,打破鍾培生之前指「靚女帶唔到貨」的既有觀念!YoYo是次更一洗喊包污名,縱然經歷了如此多困難及考驗才贏得冠軍,但她得知賽果後全程未有流過半滴眼淚,只是開心大笑,而現場逾百台前幕後亦紛紛送上祝福及擁抱,場面感人。負責宣布賽果的首席創意官王祖藍,更即場宣布《識貨》極有機會開拍第二季。

對於YoYo繼《好聲好戲》再下一城奪綜藝節目冠軍,黎諾懿戲言YoYo是「綜藝一姐」,創意官王祖藍更抵死,與黎諾懿夾手夾腳玩轉YoYo,笑言行運一條龍的她,下一步可考慮挑戰視后甚至港男,祖藍笑謂:「我真係有諗過為咗佢搞番港男架!一陣佢黐埋鬍鬚出嚟,都分分鐘可能贏冠軍。」又續指由於YoYo近期曝光率過高,要考慮將她掟入雪櫃,黎諾懿聞言即舉腳贊成,並謂YoYo會因而得到新體驗,令YoYo哭笑不得,更作狀要打二人。

黎諾懿事後回復正經,直指YoYo贏得有道理:「佢真係好勤力,呢個係大家有眼見嘅。頭先我哋喺度食飯,YoYo依然好勤力係咁闔埋眼記資料。」至於YoYo,則指想學習黎諾懿的從容,並謂今次勝出全靠一班《識貨》戰友支持。問到YoYo為何這次未有激動落淚,她即甚有決心謂:「自從第一次錄影喊完之後,我就同自己講,我以後唔會再喊架喇。」

TVB供圖
TVB供圖
TVB供圖
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟