林嘉欣獲法國政府授勳 流利法文致辭老公囡囡到場見證

曾留學法國、對當地文化非常熱衷的林嘉欣,不經不覺擔任法國五月藝術節大使(Le French May)已踏入第八個年頭,每年都會遠赴法國的她,與當地來自不同界別的藝術家進行文化交流,即使最近因為疫情關係只能留在香港,嘉欣依然堅守大使使命,積極推廣法國各種藝術文化。

不遺餘力的嘉欣,最近更獲法國政府授勳為「Chevalier de l’Ordre des Arts et des Lettres」,以表揚她多年來努力宣揚法國藝術,日前由丈夫袁劍偉、還有兩個囡囡陪同下,到法國駐港領事官邸接受授勳。

嘉欣笑言去年四月收到授勳通知時,以為被整蠱,她解釋:「因為封信係由加拿大政府發出,話我獲法國政府授勳,我睇咗封信好多次,仲問我先生『係咪呃人㗎?疫情仲有呢啲騙案?』後來先知,原來我因為喺加拿大出世,法國嗰邊要認證我嘅國籍,所以封信由加拿大寄出。」

當知道授勳一事如假包換,嘉欣坦言有一種超現實的感覺,故在授勳當日,除以法文致辭外,更安排兩個囡囡協助法國領事,進行授勳儀式。「兩個囡囡負責托住個放有勳章嘅枕頭仔行出嚟,我同佢哋喺屋企綵排過,但屋企個枕頭大好多,哈哈,所以嚟到領事館,我哋都有綵排多一次,之前仲帶佢哋買過條新裙仔,因為我兩個囡囡好似野人,通山跑,平日著嘅衫穿晒窿,所以一定要帶佢哋去買衫。」

授勳儀式完成後,嘉欣更以法文及廣東話致辭,她說:「因為冇得飛,太耐冇去法國,冇機會講,法文大退步,所以我搵咗一個好好嘅法國朋友幫我翻譯致辭內容,我衷心多謝French May團隊,令我過去八年,認識到好多世界頂尖嘅藝術家,我亦多謝屋企人,包容我每年去法國交流,仲有多謝林建岳博士,一直背後支持我,不過佢去咗北京開會嚟唔到見證,佢話返香港會再同我慶祝。今次能夠得到呢個榮耀,我會如常學習,如常生活,亦都會教導囡囡,要努力尋找自己嘅夢想,我一直身體力行做一個榜樣,希望佢哋會知。」

林嘉欣獲法國政府授勳。
林嘉欣獲法國政府授勳。
林嘉欣獲法國政府授勳。

 

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟