《Mean Talk》蔡思貝自揭曾瞓碌架床 丁子朗認約過湯洛雯睇戲

由林盛斌(Bob)、江美儀主持的無綫J2綜藝節目《及時雨信貸特約:Mean Talk》。今日(22日)晚上10時半播出新一集嘉賓請來情同姊妹的蔡思貝、何雁詩及賴慰玲,三女除大爆好友陳瀅不為人知「Mean」面目外,更分別為自己及身邊人「大平反」。

直認曾被問價

句句到肉的Bob,直指思貝入行七年共有十五單緋聞,談到被封姣精,思貝坦承不開心:「始終都唔係讚,但我覺得有原因嘅,頭幾年我真係唔太識(避忌),當係跌一下上一課。」美儀又追問思貝千萬買車買樓等忽然富貴傳聞,賴慰玲、何雁詩即力證思貝是慳慳埋埋才有今天,連阿Bob亦幫口謂:「有次見到佢,嘩!你話晒蔡思貝吖,你不如換過架車,佢嗰架車係CHEAP到拎去劏都未必值三、四千。」思貝聞言即忍不住落淚:「有啲人辛酸會公諸於世,我唔係咁,我懶係有骨氣。我一路以來無論傳媒講乜,我一次都冇澄清過,我一路專注工作,冇人知道所謂女一住二百呎瞓碌架床。」三女又揭露「娛樂圈問價」事件,期間思貝拿出手機向主持展示前一天收到的問價內容,並透露最高試過被問價200萬。

封湯洛雯女神

而周一(21日)晚播出的節目,丁子朗意外曝光與心目中女神湯洛雯的一段「關係」。子朗憶述當年拍劇由於不斷NG,遭幕後冷嘲熱諷,湯洛雯見狀即伸出援手謂:「新人係咁架喇,佢第一次拍劇咋。」語畢更捉著子朗在廠行了一圈。美儀隨即追問:「點解唔追佢?」子朗「坦白從寬」:「我有約過佢睇戲架,但最後冇Physically咁出嚟睇,係Facetime一齊睇,因為有嘢請教佢。」主持再逼供子朗何不直接展開追求,子朗傻氣地表示:「冇幾耐佢就同馬明(馬國明)喇,我唔係追佢心態架。」 遭美儀斬釘截鐵反駁:「你唔使兜喇,你九成九想追佢!依家輸咗先話冇!」十分搞笑。

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟