《好聲好戲》冠軍陳自瑤出戰《識貨》 遭狠批唔知賣緊乜而崩潰爆喊

無綫近期在綜藝節目上屢見求變,繼起用全年青幕後班底推出實驗性查案遊戲節目《死因有可疑》後,6月21日(星期一)晚十點半緊接播出真人競技綜藝show《識貨》,由鄭裕玲帶領兩名小鮮肉鄭衍峰及孔德賢主持,八位「見習主播」陳自瑤、黎諾懿、陳嘉佳、何遠東、黃建東、蔡國威、路芙及黃頌明需要在完全沒有劇本的情況下,靠口才、急才及轉數等說服現場觀眾購買其推銷貨品!

更殘忍的是,除出名要求高的Do姐會畀意見外,現場顧客及商家評審團亦會根據藝人表現即場進行批評及讚賞。節目另一特色,是每集四名成績最好的「見習主播」,均能以爭取回來的最低價即場比拼賣貨鬥銷量,務求令觀眾「睇到正嘢之餘,仲要買得到」,開創電視先河實時幫觀眾慳錢兼搵好貨。

在《好聲好戲》中奪冠兼贏盡好評的陳自瑤(YoYo)為了挑戰自己,亦有報名參賽,不過壓軸出場的她由於太緊張,全程驚到騰騰震,亦未能在限時內完成完整的Presentation,遭顧客代表狠批:「真係成分鐘都唔知你賣乜,平時見到咁我係會『碌』走你。」商家團則直指YoYo沉悶。

出師不利的YoYo除淚灑鏡頭前,返回後台亦繼續崩潰爆喊兼自責:「我真係做得好差,我諗我好多年都冇嗰種挫敗感。唔係我強項,真係唔知點算,對自己好失望。」由於YoYo表現激動,Do姐亦有出言安慰。

一眾藝人為了爭取頭四甲位置出盡奇招,黃建東著「西瓜裝」賣西瓜、何遠東利用身形及背景優勢搶灘,黎諾懿及陳嘉佳則不約而同大減價「以本傷人」;搞笑的是,陳嘉佳自恃有「津貼」以超特惠價HK$50賣出大批花膠,結果駭然發現自己倒蝕四千多港元,數口精的她更笑言要找首席創意官王祖藍幫忙找數!

陳自瑤出戰《識貨》 遭狠批唔知賣乜而崩潰爆喊。
陳自瑤出戰《識貨》 遭狠批唔知賣乜而崩潰爆喊。
鄭裕玲帶領兩名小鮮肉鄭衍峰及孔德賢主持。
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟