陳柏宇新歌《純白》MV曝光 遊走現實與幻想之間

陳柏宇(Jason)平日多予人好老公、好爸爸的開朗玩樂派形象,但一講到唱歌和音樂,他十分認真看待,有自己追求的一套。他的全新專輯《53FPS》即將面世,此碟是Jason與製作團隊花了一年多時間炮製的。而碟中第4首派台作〈純白〉亦正式曝光,MV同步上架。今次不止是推出新歌,還為Jason設下的謎團揭開真相。

〈純白〉承Jason前3首作品,包括:〈感情這回事〉、〈哪個明日〉及〈悔過書〉的故事,將4首歌的MV串連在一起,便成為一個完整的故事。在〈純白〉的MV中,見到Jason與女演員各種的互動,另一邊廂,女演員與另一男演員很多恩愛纏綿的場面,不難令人聯想到這是一個三角愛情故事。不過,看到後段便會發現在一幕女演員被說教的場面中,坐在她對面的人,時而Jason,時而男演員的身影,才發現原來Jason與男演員是「同一人」,男演員是Jason幻想出來的分身,所有的故事,都是Jason幻想出來的。

Jason親自為MV解說:「歌曲嘅名稱就係形容緊一個瘋人院嘅房,但visual上我哋想有幻想同現實嘅對比,如果幻想用咗好柔和嘅白色的話,我就冇得喺現實世界裡面都係用返白色嘅空間,因為會變得冇咗個對比,所以就選擇用灰色,灰灰沉沉好黑好暗咁,想表達其中一樣嘢係我哋幻想出嚟嘅世界,往往都係比較美好嘅,但係現實中就未必係。然後我哋就會選擇性留喺我哋嘅幻想世界當中,喺個MV最尾有一幕係exactly表達緊呢樣嘢,係講緊我哋選擇留喺我哋嘅幻想裡面,都唔想面對個世界現實。」

影像上看得出「正常」與「瘋癲」的分別,歌曲方面,原來Jason與〈純白〉的作曲者、同時有份編監的吳林峰都花了一番工夫去表現,吳林峰說:「當錄音時試咗好多嘢,睇吓邊樣嘢係最啱。因為個編曲相對地簡單,個故仔就係真實同虛構,唱起嚟好似好正經、好warm嘅感覺,但內裡係黐晒線嘅。」

Jason補充:「黐線係本身個situation,我唔使諗黐線嗰part,我只需要好sweet咁唱首歌出嚟。」他們透露,錄音時錄了很多次,試了很多不同的唱法,才選中現時的沙聲效果,Jason續稱:「最後揀咗個沙沙哋聲嘅take,因為想喺歌曲裡面有唔同嘅表達,我唔可以好浮誇咁去扮黐線,但要出到嚟個感覺有分別,分到邊一句係真實,邊一句係虛幻。」

今次整個project,是由Jason聯同他一貫信任的監製Edward Chan、填詞人陳詠謙及Kenji打造出來的,而且製作過程中,是他們邊做邊構思,整個project由去年初啟動,Jason由零開始、清空其社交平台的照片,寓意將一切前塵抹掉,展開新的故事,創造陳柏宇全新的世界觀。由〈感情這回事〉的黑白感,到〈哪個明日〉帶點懷舊色彩,再到〈悔過書〉,由Jason透過音樂與影像,帶領樂迷走入自己的內心深處,經歷過高潮迭起後,一步步走向出口,找到一個釋放。而今次的〈純白〉則像崩潰過後,留下純白、靜止的內心世界一樣,得以重整心靈,找到所追求的答案。而Jason更透露碟中有彩蛋:「成個專輯係一件事嚟,仲有一首歌,唔喺個visual故事大鋼裏面,係用嚟總結呢個故事嘅歌,用嚟round up呢個故事嘅一個諗法,希望樂迷可以留意。」

陳柏宇IG圖
陳柏宇新歌《純白》。
陳柏宇新歌《純白》。
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟