孖古天樂拍廣告 ERROR:有今生冇來世!

(大會提供)

由ViuTV一手力捧的本土男團「ERROR」近期人氣爆錶,早前更拍住男神古天樂一齊合作拍外賣廣告兼唱主題曲,古天樂更在廣告中罕有大放笑彈,狂爆「咁你又知唔知我係咩料呀?」、「咩早咗嚟啊?你就早咗嚟!」等金句,昨日(14日)廣告一出街隨即成為全城熱話。四子有幸與偶像古天樂拍廣告機會難得,當然都襯機會攬實古仔合照一番。阿Dee(何啟華)Instagram在發文表示:「呢個組合,有今生冇來世啊!」,更透露自己都未問完古天樂可不可以攬就已經作出行動,令古仔非常無奈!保錡公開一張開心畀yeah的照片:「人生路上不能滿足所有人,但我能夠造(做)到的是無愧於心,努力全力做好每件事,感恩。」肥仔(梁業)不但攬實古仔,更主動獻吻:「我愛古天樂!估唔到我可以同 @kootinlok_louis 合作,唔好講咁多攬左(咗)先咀啖先!」

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟