莫文蔚尾場演唱會邀學友合唱 唔止有克勤仲有老公驚喜現身

由太陽娛樂亞洲有限公司主辦,《絕色莫文蔚世界巡迴演唱會香港站》(KAREN MOK THE ULTIMATE GRAND SLAM SHOW)昨晚(6月13日)在紅磡香港體育館舉行尾場,向來身兼演唱會監製重任的莫文蔚(Karen),特別在昨晚加碼演出,嘉賓邀來李克勤及張學友外,老公Johannes亦罕有亮相同台演出。

昨晚是Karen與克勤第一次合唱,在現場唱了〈回首〉及〈原來⋯⋯沒可能〉的Medley。揀選這兩首歌,全因二人結緣於1993年,當時克勤加盟星光唱片,而Karen則剛簽約成為同門小師妹,兩首歌是二人當時在星光的第一首派台歌。Karen回憶道:「當年我啱啱踏入呢個行業,第一次正式曝光嘅時候,就係喺你加盟星光唱片嘅記招上獻花俾你。」現場大銀幕即時顯示了當年二人在記招上的合照,克勤看到照片也大叫:「嘩!嗰陣已經興白臉紅唇。」Karen笑言自己都不認得。Karen又指她一直記著,因為她視克勤是恩人,她在台上更自爆道:「其實以前都曾隔空合作過,就係你〈回首〉嘅MV,裡面有個靚女,係我嚟㗎,大家可以搵嚟睇下。我自己都唔認得,睇睇下個MV,我問我老公呢個係咪我嚟。」克勤聽到即說:「我想知你老公點答,因為點答都死。」Karen即哈哈大笑,說:「佢話係。」Karen又說,28年來雖然未有跟克勤合唱過,今次非請他不可,是因為她做人有始有終,當年由克勤帶她入行,這次是她紅館最後演唱會,所以昨晚一定要請克勤前來,才算是perfect ending(完美結局)。

在Encore部份,Karen與另一位嘉賓學友首度同台合唱,由於Karen曾在學友〈望月〉MV裡擔任女主角,所以特別揀選了此曲,唱完學友即抱抱Karen,更笑說自己在後台已問准Karen老公Johannes。此時,學友反客為主,說要先多謝Karen,因為他也很久沒在紅館演出,在綵排時已忍不住大嗌一聲「紅館」。學友又表示,如果Karen不再出現在紅館,他會覺得非常婉惜,更說:「希望大家可以用誠意打動Karen,再次返嚟呢度,不過聽過有個場地會大過紅館,咁Karen唔嚟紅館啫,咁可以去其他更大嘅地方,可以表演更精彩嘅演出俾大家睇。」話題一轉,Karen指自己等了學友35年,昨晚請到他超級大榮幸,更娓娓道來二人的淵源,她說:「我讀女拔萃,當年我讀F.4嗰陣係校刊總編輯,想諗啲新計仔,吸引多啲人買嚟睇,唔好訪問啲好boring(沉悶)嘅嘢啦!噫,不如搵個明星做封面吖。你當時已經好紅,我有個同學係你超級Fans,可以埋到你身嗰種,然後就叫佢搵你做個獨家訪問。」當年是1986年,所以是35年,Karen更說:「入行後,我又同你再相遇,當時1992年,你係超級天王,我未正式出道但已簽約,當年我當選十大傑出學生,港台搞《太陽計劃》係for香港傑出學生,就叫咗當年仲係學生妹嘅我幫你伴舞。」Karen讓全場看看當時台上演出的照片,就連學友看到都說:「邊有咁靚嘅學生妹㗎!我當時冇表示咩嘢咩?係喎,我當時已經唔得㗎喇⋯⋯即係唔表示得。睇見有啲唏噓添,你就好啦!保持得咁好,不過Karen咁耐仲可以咁樣真係唔簡單,除咗努力之外,真係搵唔到第二個理由。」道出二人關係後,Karen與學友合唱了〈祇想一生跟你走〉、〈你的名字我的姓氏〉、〈離開以後〉、〈 還是覺得你最好〉及〈每天愛你多一些〉的medley。

除了克勤和學友現身令全場尖叫聲不斷外,Karen與老公Johannes首度同台演出,也令全場十分驚喜。二人先以鋼琴四手聯彈,然後Johannes伴奏,讓Karen唱了〈再生〉一曲,二人在台上的交流充滿了默契,令人聽出耳油,唱罷Karen與Johannes 更甜蜜咀嘴,恩愛之情表露無遺。事後Karen表示Johannes雖然有學過彈琴,但在台上演出卻是首次,對方很淡定,十分厲害,如果要打分的話,肯定是100分,而最後一場《絕色莫文蔚世界巡迴演唱會香港站》亦在充滿驚喜、甜蜜與感人的場面下圓滿落幕。

莫文蔚尾場演唱會邀學友合唱,唔止有克勤仲有老公驚喜現身。
莫文蔚尾場演唱會邀學友合唱,唔止有克勤仲有老公驚喜現身。
莫文蔚尾場演唱會邀學友合唱,唔止有克勤仲有老公驚喜現身。
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟