【世界海洋日】余曉彤海岸清潔超感恩:期待可變公眾假期!

(大會提供)

一向熱愛海洋的余曉彤(Hidy)日前(8日)與籃球員蘇伊俊、足球員盧均宜及林嘉緯,和跑手余懷瀚、余顯華、華進等出席「世界海洋日」的海岸清潔活動。席間會見傳媒,她提到在較早時完成了一項55km的環島跑,更因為不停抽筋而被封「勁抽女俠」,Hidy坦言跑完後用了兩天時間在家休息恢復體力:「上磅瘦咗8磅,如果想減肥可以去環島跑。不過我跑完後兩日冇郁過,喺屋企瞓喺度,名正言順有兩日假期,唔知係咪身體Over咗,兩日都食唔落嘢,只飲流質嘢,等個胃舒服啲。」

談到活動在「世界海洋日」舉行,Hidy直言希望能把「世界海洋日」推廣到成公眾假期︰「今年多咗唔同公司、品牌同團體都參與,好開心同感恩,大家都關注海洋。期待世界海洋日會變成公眾假期,全民放假去執垃圾,去玩水潛水,同海洋接觸,相信咁樣大家會對海洋關注度提高。」

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟