【保鑣救殺手2】ERROR首次「進軍」荷里活 四子搞笑聲演宣傳片

2017年上映的《保鑣救殺手》,憑藉動作連場兼對白抵死搞笑,全球大賣逾13億港元票房佳績,叫好又叫座!士別4年,保鑣和殺手:《死侍》賴恩尼諾斯(Ryan Reynolds)、《復仇者聯盟》系列森姆積遜(Samuel L. Jackson),還有上集搶盡鏡頭的莎瑪希恩(Salma Hayek),原班人馬賤格火爆回歸大銀幕!《保鑣救殺手2》由英皇電影及洲立影片聯合榮譽發行,將於6月17日在香港盛大獻映。

今集《保鑣救殺手2》更大茶飯,找來更強卡士加盟,包括《蝙蝠俠》系列金像得主摩根費曼(Morgan Freeman)、兩大金像提名男星安東尼奧班達拉斯 (Antonio Banderas)及理查格蘭特(Richard E. Grant)等等。

地上最危險的保鑣米高拜斯(賴恩尼諾斯 飾)與爛口殺手達利基奇(森姆積遜 飾),今次去到歐洲面對更惡啃任務!劇情講述繼續無牌無聊又處於「休假期」的拜斯,竟然撞正達利的「欺詐女皇系」辣妻索妮亞(莎瑪希恩 飾),仲被迫再做達利的保鑣!一輪嘴炮槍戰後事態升溫,搞搞下仲要同惡勢力狂人巴巴多普羅斯(安東尼奧班達拉斯 飾)打對頭!

《保鑣救殺手2》強勢登陸香港,驚喜陸我續有來!香港第一人氣宇宙天團ERROR——肥仔(梁業)、阿Dee(何啟華)、193(郭嘉駿)及保錡(吳保錡)首次「進軍」荷里活,整齊列陣替《保鑣救殺手2》宣傳片進行搞鬼配音,如有神助的ERROR施展渾身解數,獻出無制限、無人性、無底線的精湛演出,對於這次《保鑣救殺手2》特別企劃,保錡率先誇下海口:「我覺得,我哋今次配音做得好好,前無古人、後無來者!就算專業嘅配音員,都冇配到我哋呢個成就,因為專業配音員絕對唔會咁配,實在太勁!」向來率直敢言的193,此刻卻有點保留:「我唔夠膽好似保錡咁講,呢個只係代表佢嘅立場!」肥仔亦加入戰團:「有咩網絡言論要攻擊保錡,記住係佢一個人講!」好一個保錡,始終保持十足自信:「再講一次,都係前無古人、後無來者!認真得嚟又好似咁廢嘅話,得我一個做到!」阿Dee總結:「呢個配音好feel!」

ERROR四子均是《保鑣救殺手》的忠粉,保錡與193異口同聲:「超鍾意睇呀!」問到首次「進軍」荷里活的感想,保錡又發表偉論:「我希望佢哋(戲中三位主角)同Marvel講,遲啲有個超人(角色)記得搵我做……佢哋好鍾意喺香港取景,幫我整個蜘蛛俠吖!」肥仔忍不住插嘴:「Marvel冇超人㗎喎……你可以做曱甴俠!」193有更啜核提議:「叫保錡做沙律俠,淨係食沙律,係咁食,一食沙律就有力!」肥仔與阿Dee登時大笑,無力招架的保錡唯有認了:「係呀,素食主義!」

《保鑣救殺手2》雷霆萬鈞,再開第三集的話,阿Dee提出:「應該要拍個香港版,首先成本可以低啲!」肥仔早已度出絕橋:「食返個戲名(《保鑣救殺手2》),《保錡救殺手2》,下一集就係《保錡救殺手3》!」193飛身撲出:「我就係嗰個殺手『3』,然後保錡唔係保鑣,其實係保安!」對於肥仔與阿Dee,保錡有以下安排:「肥仔就做返肥仔,阿Dee就係嗰個女人,黑人同肥仔都係同一個文化,搞掂!」

天馬行空、創意爆燈,要欣賞香港第一人氣宇宙天團ERROR搞鬼聲演《保鑣救殺手2》宣傳片,記緊mark實各大平台;至於千呼萬喚的全新猛片《保鑣救殺手2》,6月17日,secured!

ERROR首次「進軍」荷里活 ,四子搞笑聲演《保鑣救殺手2》宣傳片。
ERROR首次「進軍」荷里活 ,四子搞笑聲演《保鑣救殺手2》宣傳片。
ERROR首次「進軍」荷里活 ,四子搞笑聲演《保鑣救殺手2》宣傳片。
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟