【調教你MIRROR】陳卓賢被花姐指有距離感 唔開心時唔會講容易令人有誤會

ViuTV全新節目《EPS易辦事呈獻:調教你MIRROR》成為全城討論熱話,節目逢星期一至五晚上11時播映。人氣男團MIRROR出道兩年半,團隊成績亮麗,但作為獨立個體,每個成員又有否真正面對自己,找到定位?MIRROR十二位成員將接受梁祖堯的「調教」,期間斷絕經理人保護及杜絕偶像包袱。成員間激罕地深情剖白,兄弟間互相借鏡學習,務求令十二位成員進化成更團結的「Better MIRROR」!

今晚播出的一集將圍繞MIRROR其中一位成員 — 陳卓賢 (Ian),他認為MIRROR並不如初成軍時般齊心「力量比起我哋成軍第一個演唱會薄弱咗」,全因大家需要兼顧各自的工作,令眾人步伐不一致。花姐希望今趟旅程,阿祖可以幫Ian「Open Up」自己。

她直言Ian有幾個地方令她感到擔心,「佢令人覺得同佢有好大距離,呢個距離連我同佢都有!遇到問題或者唔開心都唔會講,咁樣容易令人有誤會」。她自爆經常跟Ian嘈交,阿祖亦覺得他非常保護自己,有點難搞。阿祖則安排Ian和Jer到麵包店跟老闆阿Kit學整麵包,原來老闆是Ian的忠實粉絲。過程中,她一句Hit中Ian,令他心情有點複雜。

ViuTV供圖
ViuTV供圖
ViuTV供圖
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟