ToNick曾憑歌救想輕生者一命 成員小龜覺得鼓勵亦好感動

樂隊ToNick接受香港開電視主播馬梓軒專訪,暢談相隔2年,即將再舉行演唱會的感受,主音趙善恆(恆仔)表示:「真係好感恩,因為呢兩年真係唔容易過,連同樂迷接觸嘅機會都冇!但慶幸呢兩年我哋可以繼續創作音樂,我哋當然會為演出做好準備,但都要稍為抑壓自己嘅興奮,因為到時如果太快用盡所有力量,會維持唔到成個演出,所以要冷靜,慢慢嚟!」

而談及多年來,令ToNick為之感動的一件事,成員小龜則回憶起一次與歌迷互動的經歷:「記得有一次我哋幫歌迷簽CD嘅時候,其中一位喊住走過嚟,佢話嗰日聽咗我哋唱《阿飛與阿基》好感動,原來呢個樂迷曾經諗過輕生,而我哋呢首歌,幫到佢捱過最難捱嘅時候,然後呢位歌迷最後做咗社工,繼續去幫人。其實我哋寫呢首歌嘅時候,完全冇諗過可以去救一個人或者改變一個人嘅信念,但呢件事對於我哋嚟講係一個鼓勵,我哋都好感動!」

雖然ToNick在舞台演出經驗豐富,然而也曾發生過「烏龍」的事,恆仔笑言:「放鼓嘅位置正常係需要有一張地氈,而個烏龍就係有一次個場地冇地氈,我見到晨曦一路踩個鼓嘅時候,啲鼓一路移位,而當時已經係表演途中,於是我哋唯有輪流行到去鼓前面用腳頂住,哈哈!」

香港開電視供圖
ToNick IG圖
ToNick演唱會海報
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟