54歲鄭伊健長髮飄飄代言育髮產品

鄭伊健
鄭伊健
鄭伊健

今年54歲的鄭伊健,狀態大勇,尤其一頭飄逸長髮最令人羡慕。最近其招牌長髮成為保健產品的目標,邀請他擔任廣告代言人,拍攝當日他又跑步又駕駛超級跑車,還激罕地自度舞步原地轉身,以展示活力。他更參考引用羅家英經典電影動作和金句「豈有此理」兼左右揈頭,雖然搞笑但很有用,一Take搞掂!

伊健入行以來拍過無數廣告,對於保健產品代言他特別講究,今次為Return擔任育髮系列代言人,他事前不但與廣告商的代表見面溝通,了解對方的理念與產品的成份和測試,還親自服用產品超過三個月,他滿意後才答應合作,是一個負責任的代言人。伊健說:「呢次產品由三位志同道合嘅藥劑師代理,佢哋話睇咗好多我以前嘅電影作品,好想同我合作。我要求親自試用再決定,又攞咗去做好多測試,非常滿意,結果一拍即合。」他坦言亦曾有擔心脫髮問題,但有秘方:「其實冇得太驚嘅,最緊要做好自己,脫髮問題事關遺傳基因、日常護理,我主張多做運動和均衡飲食。」他又透露試用產品後的「意外收穫」,說:「唔單止髮質好咗,連指甲都變得堅靭,係對健康好好嘅補品。」

拍攝廣告當日,為展示招牌長髮飄逸效果,伊健在鏡頭前不停自轉又手舞足蹈。為了帶節奏兼有美感,伊健靈機一觸,引用家英哥在電影《大內密探零零發》中,經典動作和金句「豈有此理 豈有此理 豈有此理」,左右揈頭,全場爆笑。之後導演要求伊健與跑車競賽以展示Man爆魅力,為了與攝影師和燈光師配合,看似簡單的跑步動作,其實難度極高。伊健說:「我有熱身和拉筋,今次只負責跑,好輕鬆,最辛苦係成隊Crew 帶埋器材跟住我跑,來回跑咗好多次。雖然唔使我真係跑得好快,但要拍出效果,需要好好配合。」鏡頭另一邊,伊健「駕駛」身價約港幣500萬元的麥拿倫超級跑車與自己競賽,可惜因為保險和安全理由,只可以坐在車廂內拍攝,有得睇無得「駛」。

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟