張惠雅長文狠批連登仔 稱被一直誣衊做小三

前HotCha成員張惠雅(Regen)的健康狀況備受關注,不但與男友分手後瘦到只得84磅,日前又透露指去年在越南被昆蟲咬後一直未百分百痊癒,後來更發展如風癩一樣,亦因而不敢露腿。日前她又在IG發長文放負,她表示:「我EQ好差,發生少少唔開心嘅事我就會喺自己嘅平台,亂咁放負。我唔鍾意永遠都只係得正能量嘅人,唔接受人係需要停落嚟休息嘅時候,或者不停否定人。有某啲人,講啲咩都會否定你做唔到,我嘅成長就係充滿喺一個咁樣氛為嘅家庭,佢哋覺得我咩都唔會做得到。我好樂觀,係喺娛樂圈一個咁複雜嘅地方,咁多意見咁多關係,我自己都已經迷失咗,動力都冇咗,但係我俾自己停下,間唔使衝下 好似癲癲地呀。係呀因為我個人本身癲癲地,就算我個人本身少癲,呢個世界都逼到人哋越抓越癲。」

Regen又再次提到當年被指為小三的事件,她指:「每一次啲人都要屈我係小三,我真係介意,曾經對我傷害過嘅人我都係唔會忘記佢哋。誣捏我、放假新聞、逼我影假新聞相、逼我做拆散Hotcha嘅罪人。一條又一條嘅罪名放喺我背上,嗰啲背後捅我刀,嘲笑我,又同你好似好好朋友。而家嘅我都會學識,斷捨離呢一啲對自己有害嘅人,興奮跌落水,我好記得有事嘅時候,重要嘅人一句嘅說話都冇幫過我,或者輕輕鬆鬆踩幾腳,畀我慢慢咁跌入谷底。」

Regen續指:「啊吸毒,我估最毒嘅,都係飲酒,但係香港又合法化。酒精好多化學性合成物,唔靚嘅酒都可以好傷身體,吸毒都唔會淨係爛得對腳啦我估。講毒品,我哋睇緊嘅嘢食緊嘅嘢,其實咪又係一樣咁毒。有時候娛樂圈嘅世界,就係要啲 juicy啲字眼,將佢放大。咁大個人可唔可以分析下,你哋世界可唔可以唔好淨係得攻擊同埋judgement,坐喺度亂打幾句覺得自己好有道理,呢個世界滅亡都係因為我哋呢班人類自大、虛假、破壞 、自私。

Regen其後更狠批連登網民一直誣衊自己做小三,「one day呢個地方開業唔夠一年,從來冇做過飲食業,我都係用我嘅耐性時間慢慢學習 營業同守業,希望可以營造到一個我喜歡、客人都會好放鬆嘅地方,一個可以搵到自己節奏嘅地方。香港生活實在太攰,唞氣都覺得好困難嘅時候,畀多少少關心別人。但係連登你哋呢班人,係呀我癲癲哋呀,就係過往你哋所有嘅誣捏,令到一個未做過小三嘅人,討厭小三嘅人,成為咗一個好似全世界公認嘅小三,淨係識得揸住一張相話咗我咁多年?咁叻嘅查個真相出嚟啦,查到真相邊一個當時屈我嘅,畀返啲獎勵金又得,要一啲酬勞又得,橫掂我畀人屈咗咁多年都好想搵到真相。我心裏面就有兩個目標喇,幾好玩呀呢個遊戲,高登仔起底好勁㗎嘛,搵我當時係邊個做攝記,邊個寫稿、邊個慢慢傳開去寫出去。」

張惠雅IG圖

最後,她又提到:「唔好踩人哋嘅夢想踐踏人哋建立嘅嘢,因為咁樣你永遠都係只係喺最低層,畀呢個世界慢慢侵蝕你,直到下一世再下一世再下一世,呢啲嘢都係令到發癲嘅原因,我而家都仲係要食緊藥㗎,喺自己平台叫阿春 梳下肝冇影響到你掛,得閒黎我呢個痴線婆嘅one day食下我煮嘅嘢囉,記仇嘅我要試下瞓啦,早唞。」

張惠雅IG圖
張惠雅IG圖
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟