佘詩曼生日收偶像張曼玉祝福 再收528枝玫瑰 感動爆喊

5月28日是佘詩曼的生日,身在上海工作的阿佘,雖然未能同閨蜜姐妹慶祝,但一點也不愁寂寞;日前經理人與粉絲們設下計中計,精心部署驚喜生日派對,阿佘在毫無心理準備下,收到驚喜即場感動爆喊。

經理人預早設局,向阿佘表示安排了一個媒體拍攝,為了做到零破綻,事前更安排阿佘綵排了45分鐘,夠晒認真。正當阿佘準備十足,推門進場時,赫見一眾粉絲歡呼起哄,並送上五百二十八枝玫瑰的一刻,讓她流出感動眼涙。

阿佘説起時仍難掩興奮:「我真係零防備下,surprise 到我,好多謝經理人同粉絲設左呢個局,花了好多心思,去製造既感人又驚喜環節,仲有第一次收到五百幾枝花,真係好耐未試過喜極而泣,他們所造的一切令我感到好幸福。」

阿佘向來人靚心善,今次她更將「好運」跟更多人分享,將收到花跟一眾鄰居共享。「我係愛花之人,但屋企根本冇咁多花樽,但又唔捨得拿掉,突然諗起可以同鄰居分享,助理喺group chat 一問反應非常踴躍,所以在party 後我就充當『花女』,逐家逐戶去派花,希望大家都分享到祝福同好運。」

除了送驚喜給鄰居,向來愛錫身邊人的阿佘,除了為助手年年慶祝生日,今年更為跟了她十年的化妝師送驚喜,特意訂造一個十年紀念牌外,還送了一隻Rolex 錶,化妝師當場感動爆喊。「當日我單人匹馬出來(離開電視台),我化妝師好勇敢好有信心跟咗我出來跑,十年時間喎,我都好開心可以畀左呢個驚喜佢。」

此外,阿佘在社交平台上載收到偶像張曼玉送上生日卡及禮物,頓時由大眾偶像變身成為小Fans。「 我真係開心到成晚都瞓唔著,不斷研究佢啲字體,包裝全部都好有taste,唔識講,作為小Fans 收到生日禮物,真係好快樂好sweet ,佢啓發到我更加要愛錫fans!」

佘詩曼生日收偶像張曼玉祝福超開心。
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟