小肥出櫃後變得更開朗真誠 更能感受到家人的關愛

歌手小肥接受香港開電視主播馬梓軒專訪,暢談新碟其中一首歌,邀請了歌手Serrini合唱,重新演繹許廷鏗的《青春頌》。小肥表示,這構思是由監製陳輝揚提出的:「陳輝陽好想搵一個夾到我把聲嘅女歌手,之後佢就話不如搵Serrini,問我識唔識佢!因為佢上年已經冒出頭來,我又點會唔識佢,哈哈!而重新演繹嘅呢個版本同許廷鏗嘅版本有啲唔同,原唱版本係有啲似內心問自己嘅感覺,有啲內斂,但我同Serrini嘅版本係對外宣揚,大家應該咁樣做,我諗呢個就係兩個版本嘅分別!」
 
小肥又透露,這次與陳輝揚合作過程很愉快,但同時亦令他感到很大壓力:「陳輝陽覺得我喺唱歌方面,仲有好大嘅進步空間!我有啲唱歌習慣佢唔係太鍾意,然後佢話安排咗個老師俾我,當時我好愕然,因為本身我對自己唱歌已經好有信心,而家感覺好似要放低以前啲嘢,重新學過一套咁,都驚架!」
 
而談及小肥去年勇敢表達自己的性取向,他指出櫃後,更感受到家人的關愛:「我覺得自己變得開朗、真誠咗,好似冇秘密,咩都講得咁,依家嘅我感覺冇咩束縛!但其實上年報咗出街之後,我都有擔心過,記得當時我send過一個比較隱喻嘅訊息去我家庭群組,我問家姐有冇其他人煩住你哋啊?然後家姐覆返我話冇呀,叫我放心做自己!咁我覺得呢句說話好溫暖,係我嘅十大金句,哈哈!」

小肥談到出櫃後的感受。

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟