黃研與hirsk首度合作 即搞影像與聲音體驗展覽

以黃妍(Cath)新歌〈無聲浪〉作出發,由王樂儀策展與編輯、Cath與入圍今屆(第32屆)金曲獎演奏類最佳專輯製作人獎的香港電子音樂人hirsk聯手創作聲音作品、藝術家劉君冬 (Dorothy) 擔當整體視覺創作的影像與聲音體驗展覽《The Reverberations of Us – 我們的迴響》於即日起至 6月27日正式公開,展覽時間為上午11時至晚上8時(開放予公眾參觀)地點在香港中環鴨巴甸街35號 – PMQ 元創坊 Block B (2樓) H207 室。

是次展覽主題,沿於Cath與患上腦退化症的外婆的故事。因為Cath難以跟外婆表達自己的說話、情緒、思念和愛,因而創作了〈無聲浪〉,將所有話語都收錄在聆聽得到的歌曲裡面。Cath有感自己懂得做歌,但很多人都不懂,所以就想代勞。Cath說:「我收集咗唔同嘅人同長輩之間嘅故事,將佢變成可以聽到嘅聲音。」

為了傳達最真實的情感,Dorothy希望以含蓄及以體驗性行先,所以特別以漣漪及透明半球體貫穿整個展覽,Dorothy介紹展覽內容道:「展覽場地會有3個透明半球體,帶出『我們的迴響』中不可言喻嘅關係同埋思念,至於漣漪元素就喺今次展覽嘅poster同埋參與者嘅照片上面,令到佢哋融入空間。參觀人士可以望住張相、拎起headset,欣賞Cath同hirsk做嘅音樂,喺呢個視覺同聽覺嘅體驗之後,再睇返小冊子裡面每個人嘅故事,從而得到多層次體驗。」

Cath十分感激今次Sony Music與及一班願意一齊癲的朋友,一同完成這個展覽,她在昨天的傳媒招待日說道:「我哋喺一個月前先傾,開始收集故事,再同hirsk用10日時間做咗13首歌,好趕但好有意義。」有別於自己的歌曲創作,Cath今次與hirsk首度合作但能以極速完成作品,當中創作過程也十分有趣,Cath說:「有一半係我先base on 對故事嘅感覺,彈chord唱melody再俾hirsk加工。」hirsk負責先製作的幾首,則會先透過照片感應可見到的頻譜,再衍生不同的環境聲響,然後再由Cath在hirsk做好的底聲裡創作旋律,hirsk說:「呢個手法衍生出嚟嘅聲音或者噪音未必好聽、悅耳,搵咗材料返嚟要諗下點樣拼湊,Tune個音同切割,令到佢變成有趣有意義嘅聲音,再融入作品,變成悅耳、有意思有意境嘅作品。」

二人首度合作,Cath坦言有如網友交流一樣,她說:「我同hirsk到琴日喺展覽場地先第一次見面,我仲要唔知係佢,佢自我介紹時先恍然大悟,不過hirsk係好爽快嘅人,一齊喺咁短時間做咗13首歌出嚟,成件事好熱血。」hirsk也高呼今次合作過程好新鮮,更說:「合作前完全唔識Cath,但透過今次合作,發覺Cath除咗做流行曲,都有充滿藝術氣質嘅一面,都幾有諗法同有趣嘅idea。」過去曾與Cath在不同範疇合作的Dorothy,今次參與其中也感到十分盡興,她說:「多得王樂儀拉攏合作,成個創作過程好舒服,大家有乜嘢都可以攞出嚟分享同商量,合互相影響創作又互相回應,所以好Enjoy!」

黃研大談今次合作的感受。
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟