林德信用三年時間炮製新歌 曾抗拒搵老豆林子祥客串MV

林德信(Alex)日前接受香港開電視主播馬梓軒專訪,大談花了三年時間炮製新歌《愛沒有理由》的感受,Alex笑言:「有好多電影都係用三年時間製作出嚟,而我哋就用三年製作新歌同一段5分鐘嘅MV,哈哈!但其實可能唔止三年,大概五年前我喺健身室遇到恭碩良,佢話有聽過我嘅歌,覺得唔錯同埋幾鍾意,佢話不如搵日試吓一齊合作,於是我帶咗呢首歌俾佢聽,然後我哋再重新編曲,繼而變成宜家呢個版本!」

談及新歌MV找來父親林子祥客串演出,Alex亦解釋箇中原因:「當初導演同埋我嘅團隊提出搵Daddy嘅時候,我係有少少抗拒,因為都擔心人哋嘅睇法!而我哋寫呢個故事嘅時候,係構思要將男主角變老!雖然化妝師話可以幫我化老妝,但拍攝時間就要長啲!之後佢哋又話不如嘗試搵演員,搵一個似我老咗嘅樣,但又擔心搵唔到合適嘅人,後來都係覺得搵Daddy客串最合理!」

Alex又表示,雖然只是找父親客串一角,但當初他也不是一口答應:「我都用咗好長時間同Daddy傾,哈哈!嗰陣我約過佢三、四次食飯,每次同佢傾少少,話自己而家係獨立歌手,最近寫咗首歌喎,要慢慢一步一步嚟,慶幸每次佢都理解到成個構思!經過幾次傾談之後,我先至正式問Daddy可唔可以參與演出MV!」

林德信大談花了三年時間炮製新歌《愛沒有理由》的感受。
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟